ପିପିଲି:  ଅନୁଦାନର ସୁବିନିଯୋଗ ନେଇ ଆଲୋଚନା

ପିପିଲି: ଖୋର୍ଦ୍ଧା ଜିଲ୍ଲାର ବାଲିପାଟଣା ବ୍ଲକରେ  ‘ଆମ ଗାଁ ଆମ ଯୋଜନା ’ ଆଲୋଚନା ଚକ୍ର ଅନୁଷ୍ଠିତ ହୋଇଯାଇଛି । ୨୦୧୫-୨୦୧୬ ଆର୍ଥିକ ବର୍ଷରୁ ଚତୁର୍ଦ୍ଦଶ କେନ୍ଦ୍ରୀୟ ଅର୍ଥ ଅନୁଦାନ ଏବଂ ୪ର୍ଥ ରାଜ୍ୟ ଅର୍ଥ କମିଶନ ଅନୁଦାନ ପର୍ଯ୍ୟାପ୍ତ ପରିମାଣରେ ଗ୍ରାମ ପଞ୍ଚାୟତ  ଆସୁଥିବାବେଳେ ତାହାର କିପରି  ସୁବିନିଯୋଗ ହେବ ତାହାରି ଉପରେ ଆଲୋଚନା ହୋଇଥିଲା । ପଞ୍ଚାୟତିରାଜ ବିଭାଗର ନିର୍ଦ୍ଦେଶକ ଦେବେନ୍ଦ୍ର ପ୍ରସାଦ ଦାଶ, ଜିଲ୍ଲା  ପଞ୍ଚାୟତ ଅଧିକାରୀ ବଂଶୀଧର ସିଂ, ପିଡି ପ୍ରଭାତ ଭୋଇ, ବିଡିଓ କମଲଜିତ୍ ଦାଶଙ୍କ ସହିତ ବାଲିପାଟଣା ବ୍ଲକର ୧୪ଟି ପଞ୍ଚାୟତର ସମସ୍ତ ସରପଞ୍ଚ ଏବଂ ସମିତି ସଭ୍ୟ  ଆଲୋଚନାରେ ଯୋଗ ଦେଇଥିଲେ।