ବ୍ରହ୍ମପୁର(ଓଡ଼ିଶା ରିପୋର୍ଟର): ଟ୍ରାଫିକ ନିୟମ ଉଲ୍ଲଘଂନ କରି ବାଇକ୍ରେ ଯାଉଥିବା ୩ ଜଣଙ୍କୁ ଅଟକାଇବାକୁ ଚେଷ୍ଟା କରି ପୁଲିସ୍ ଏବେ ହରଡଘଣାରେ। କ୍ଷିପ୍ର ବେଗରେ ଯାଉଥିବା ବାଇକ୍କୁ ଅଟକାଇବାକୁ ପୁଲିସ୍ ଚାଳକଙ୍କୁ ବାଡ଼ିରେ ପିଟି ଦେବାରୁ ଦୁର୍ଘଟଣାଗ୍ରସ୍ତ ହୋଇଛି ଗାଡ଼ିଟି । ଏହି ଦୁର୍ଘଟଣାରେ ୩ ଜଣ ଗୁରୁତର ହୋଇଥିବା ବେଳେ ଏହି ଲୋମଟାଙ୍କୁରା ଘଟଣା ସିସିଟିଭିରେ କଏଦ ହୋଇଛି। ଫଳରେ ପୁଲିସ୍ ଏବେ ଆଲୋଚନାର ଶିକାର ହେଉଥିବା ବେଳେ ଚଳନ୍ତା ବାଇକ୍କୁ ଅଟକାଇବାକୁ ଏ ପ୍ରକାର ଉଦ୍ୟମ କେତେ ଦୂର ସମୀଚିନ ତାହାକୁ ନେଇ ଚର୍ଚ୍ଚା ଜୋର ଧରିଛି। ବ୍ରହ୍ମପୁର ଗୋଷାଣୀନୂଆଗାଁ ଓଭରବ୍ରିଜ୍ରେ ଗତକାଲି ସଂଧ୍ୟାରେ ଘଟିଛି ଏଭଳି ଘଟଣା ।
ଗତକାଲି ସଂଧ୍ୟାରେ ଗୋଷାଣୀନୂଆଗାଁ ଓଭରବ୍ରିଜ୍ରେ ପୋଲିସ୍ ଯାଞ୍ଚ କରୁଥିଲା । ଉକ୍ତ ସମୟରେ ବାଇକ୍ରେ ୩ ଜଣ ଯୁବକ କ୍ଷୀପ୍ର ବେଗ୍ରେ ଯାଉଥିଲେ। ପୁଲିସ୍ ଅଟକାଇବାକୁ ଚେଷ୍ଟା କରିବାରୁ ସେମାନେ ପୁଲିସ୍ ଯାଞ୍ଚକୁ ଭେଦି ଯିବାକୁ ଚେଷ୍ଟା କରିଥିଲେ । ଏହି ସମୟରେ ଜଣେ ପୋଲିସ୍ କର୍ମଚାରୀ ତାଙ୍କୁ ଅଟକାଇବାକୁ ବାଡ଼ିରେ ଏକ ପ୍ରହାର ମାରିଥିଲେ । ପରେ ସାମ୍ନାରୁ ଆଉ ଦୁଇ ଜଣ ପୋଲିସ୍ ଅଧିକାରୀ ସେମାନଙ୍କୁ ଅଟାଇବାକୁ ଚେଷ୍ଟା କରିବାରୁ ଘଟିଛି ଦୁର୍ଘଟଣା ।
ପୋଲିସ୍ ଅଧିକାରୀ ହାତରେ ଧରିଥିବା ବାଡ଼ିରେ ଉକ୍ତ ଯୁବକମାନଙ୍କୁ ଅଟକାଇବାକୁ ଚେଷ୍ଟା କରିଥିଲେ । ଏହି ସମୟରେ ତିନି ଜଣ ଯୁବକ ଯୁବକ ରାସ୍ତାରେ ଖସି ପଡ଼ିଥିଲେ । ଗୁରୁତର ଅବସ୍ଥାରେ ସମସ୍ତଙ୍କୁ ମେଡିକାଲ୍ରେ ଭର୍ତ୍ତି କରାଯାଇଛି ।
ହେଲେ ଏବେ ପୁଲିସ୍ ବ୍ୟବହାରକୁ ନେଇ ଏଠି ପ୍ରଶ୍ନ ଉଠୁଛି । ନିୟମ ଖିଲାପକାରୀଙ୍କୁ ଅଟକାଇବା ପାଇଁ ପୋଲିସ୍ର ଆଚରଣ କ’ଣ ଗ୍ରହଣୀୟ। ହାତରେ ବାଡ଼ି ଧରି ହିଁ ଅଟକାଇବା ଏକମାତ୍ର ରାସ୍ତା କି ? ଯଦି, ଗତକାଲି ପୋଲିସ୍ ନିୟମ ଉଲ୍ଲଘଂନକାରୀଙ୍କୁ ଏପରି ଅଟକାଇବାକୁ ଚେଷ୍ଟା କରିନଥାନ୍ତେ, ବୋଧେ ହୁଏ ଦୁର୍ଘଟଣାକୁ ଏଡା ଯାଇପାରିଥାନ୍ତା ବୋଲି ଆଲୋଚନା ହେଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
