ପ୍ରେସ୍‌ ଦିବସରେ ଆଠଗଡ଼ରେ ଏକାଠି ହେଲେ ସାମ୍ୱାଦିକ

ଆଠଗଡ଼(ନୀଳକଣ୍ଠ ଦୋରା): ଆଠଗଡ ଉପଖଣ୍ଡରେ ଜାତୀୟ ଗଣମାଧ୍ୟମ ଦିବସ ପାଳିତ ହୋଇଛି। ଆଠଗଡ଼ ମାଧପୁର ଗୋପବନ୍ଧୁ ଆୟୁବିଜ୍ଞାନ ଗବେଷଣା ଅନୁଷ୍ଠାନର ମନ୍ଦିର ପ୍ରାଙ୍ଗଣରେ ଆୟୋଜିତ ଉତ୍ସବରେ ମୁଖ୍ୟଅତିଥି ଭାବେ ଲୋକ ସେବକ ମଣ୍ଡଳର ରାଷ୍ଟ୍ରୀୟ ସଂପାଦକ ପଣ୍ଡିତ ନିରଞ୍ଜନ ରଥ ଯୋଗଦେଇ ଗଣମାଧ୍ୟମର ଭୂମିକା ସମ୍ପର୍କରେ ଆଲୋକପାତ କରିଛନ୍ତି।

ମୁଖ୍ୟବକ୍ତା ଭାବେ ଓଟିଭିର ଉପସ୍ଥାପକ ଅପୂର୍ବ ରଞ୍ଜନ ପଣ୍ଡା ,ସମ୍ମାନିତ ଅତିଥି ଭାବେ ଆଠଗଡ଼ ଉପଜିଲ୍ଲାପାଳ ଅମୀୟ କୁମାର ସାହୁ ଯୋଗଦେଇଥିଲେ। ଏହି ଅବସରରେ ନରସିଂହପୁର ଅଞ୍ଚଳର ବିସ୍ମୟ କୁନି ବାଳକ ବୀଶ୍ୱଜିତ ଆରୁଖ, ମଳଦୀପରେ ଭାରତରୁ ପ୍ରତିନିଧିତ୍ୱ କରି ଗ୍ଲୋବାଲ ୟୁଥ୍‌ ପିସ୍‌ ଆମ୍ବାସ୍ୟାଡାର ୨୦୧୯ ସମ୍ମାନ ପାଇଥିବା ନରସିଂହପୁର ଅଞ୍ଚଳର ବିଜୟ କୁମାର ପଣ୍ଡା, ATM କାଉଣ୍ଟରରୁ ଏକ ଲକ୍ଷ ଟଙ୍କା ପାଇ ଲୋଭ ନକରି ମଣିଷ ପଣିଆ ଦେଖାଇଥିବା ମଞ୍ଚେଶ୍ୱର ଗ୍ରାମର ସମିତିସଭ୍ୟ ଅଶୋକ ଖଟୁଆ ଓ ଆଠଗଡ, ତିଗିରିଆ, ବଡମ୍ବା ଓ ନରସିଂପୁର ସାମ୍ବାଦିକଙ୍କୁ ସମ୍ବର୍ଦ୍ଧିତ କରାଯାଇଥିଲା।