ଶୃଙ୍ଖଳିତ ଶିଷ୍ୟ ପାରିକରଙ୍କୁ ଝୁରିଲେ ପ୍ରଫେସର ପ୍ରଶାନ୍ତ ପଟ୍ଟନାୟକ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଗୋଆ ମୁଖ୍ୟମନ୍ତ୍ରୀ ତଥା ଦେଶର ଜଣେ ଜଣାଶୁଣା ନେତା ମନୋହର ପାରିକରଙ୍କର ରବିବାର ସନ୍ଧ୍ୟାରେ ପରଲୋକ ହୋଇଯାଇଛି। ଆଜି ସନ୍ଧ୍ୟାରେ ତାଙ୍କର ଶେଷକୃତ୍ୟ ସଂପନ୍ନ ହେବ।</p><p>ଥରେ ଦେଶର ପ୍ରତିରକ୍ଷା ମନ୍ତ୍ରୀ ଓ ଚାରି ଥର ଗୋଆର ମୁଖ୍ୟମନ୍ତ୍ରୀ ହୋଇଥିବା ପାରିକରଙ୍କର ଓଡ଼ିଶା ସହିତ ବି ସଂପର୍କ ଥିଲା। ଏ ସଂପର୍କ ଗଢ଼ି ଉଠିଥିଲା ତାଙ୍କ ଗୁରୁଙ୍କ ମାଧ୍ୟମରେ। ତାଙ୍କ ଗୁରୁଙ୍କ ନାଁ ପ୍ରଫେସର ପ୍ରଶାନ୍ତ କୁମାର ପଟ୍ଟନାୟକ। ବମ୍ବେ ଆଇଆଇଟିରେ ସେ ପାରିକରଙ୍କୁ ପାଠ ପଢ଼ାଇଥିଲେ।</p><p>ଶେଷଥର ପାଇଁ ୨୦୧୬ ଜୁନ୍ ମାସରେ ଯେତେବେଳେ ପାରିକର ଏକ ଦଳୀୟ କାର୍ଯ୍ୟକ୍ରମରେ ଯୋଗ ଦେବା ପାଇଁ ଓଡ଼ିଶା ଆସିଥିଲେ ସେତେବେଳେ ଭୁବନେଶ୍ୱରରେ ରହୁଥିବା ତାଙ୍କ ଗୁରୁଙ୍କୁ ଭେଟିବାକୁ ଭୁଲି ନ ଥିଲେ। ସେ ପ୍ରଫେସର ପ୍ରଶାନ୍ତ ପଟ୍ଟନାୟକଙ୍କ ଘରକୁ ଯାଇଥିଲେ ଓ ସେଠାରେ ବେଶ୍ କେଇ ଘଣ୍ଟା କାଟିଥିଲେ। ପ୍ରଫେସର ପଟ୍ଟନାୟକ ଓ ତାଙ୍କ ପତ୍ନୀଙ୍କ ସହିତ ବହୁ ସମୟ ଧରି କଥା ହୋଇଥିଲେ। ପାରିକର ତାଙ୍କ ଗୁରୁଙ୍କ ଠାକୁର ଘର ମଧ୍ୟ ବୁଲି ଦେଖିଥିଲେ। ଫେରିଲା ବେଳେ ଗୁରୁଙ୍କଠାରୁ ଏକ &lsquo;ଭଗବଦ୍&zwnj; ଗୀତା&rsquo; ବହି ଉପହାର ଆକାରରେ ନେଇ ଯାଇଥିଲେ।</p><p>[caption id=&quot;attachment_354503&quot; align=&quot;aligncenter&quot; width=&quot;750&quot;](image) &lt;span style=&quot;color: #ff0000;&quot;&gt;ପ୍ରଫେସର ପ୍ରଶାନ୍ତ କୁମାର ପଟ୍ଟନାୟକ&lt;/span&gt;[/caption]</p><p>ଗତକାଲି ପାରିକରଙ୍କ ପରଲୋକ ଖବର ପାଇଲା ପରେ ପ୍ରଫେସର ପଟ୍ଟନାୟକଙ୍କ ଆଖି ବି ଓଦା ହୋଇଯାଇଥିଲା। ସେ କହିଛନ୍ତି ଯେ ଏହା ବ୍ୟକ୍ତିଗତ ଭାବେ ତାଙ୍କ ପାଇଁ ଏକ ଅପୂରଣୀୟ କ୍ଷତି।</p><p>ପ୍ରଫେସର ପଟ୍ଟନାୟକ କହିଛନ୍ତି, ପାରିକରଙ୍କ ସହିତ ମୋର ଭାରି ଅନ୍ତରଙ୍ଗ ସଂପର୍କ ଥିଲା। ସେ ବହୁତ ଶାନ୍ତ ଓ ଶୃଙ୍ଖଳିତ ଛାତ୍ର ଥିଲେ। ଆଇଆଇଟିରେ ପଢ଼ିବା ଦିନରୁ ହିଁ ସେ ସାମାଜିକ ଓ ରାଜନୈତିକ କାର୍ଯ୍ୟରେ ଜଡ଼ିତ ଥିଲେ। ଆଇଆଇଟିରେ ସେ ମେସ୍&zwnj; ୱାର୍କରଙ୍କ ପାଇଁ ସ୍ୱର ଉଠାଇଥିଲେ। ସେତେବେଳେ ଆଇଆଇଟି ସବୁ କର୍ମଚାରୀଙ୍କୁ ୧୨ ମାସର ଦରମା ମିଳୁଥିବା ବେଳେ ମେସ୍ ୱାର୍କରଙ୍କୁ ୮ ମାସର ଦରମା ମିଳୁଥିଲା। ଏହାକୁ ସେ ବିରୋଧ କରିଥିଲେ।</p><p>ପୁରୁଣା ସ୍ମୃତିକୁ ମନେ ପକାଇ ପ୍ରଫେସର ପଟ୍ଟନାୟକ ଆହୁରି କହିଛନ୍ତି,&ldquo; ଥରେ ମୁଁ ତାଙ୍କୁ କହିଥିଲି, ତୁମେ ପାଠ ପଢ଼ିବାକୁ ଆସିଛ। ପାଠ ପଢ଼। ଅଲଗା କଥାରେ (ମେସ୍ ୱାର୍କରଙ୍କ ପାଇଁ ସ୍ୱର ଉଠାଇବା) କାହିଁକି ମୁଣ୍ଡ ପୂରାଉଛ। ସେତେବେଳେ ସେ କହିଥିଲେ ଯେ ଯଦି ଆପଣ ଏ ପ୍ରସଙ୍ଗରେ ମୁଣ୍ଡ ଖେଳାଇବେ, ତା&rsquo;ହେଲେ ମୁଁ କେବଳ ପାଠ ପଢ଼ାରେ ମନ ଦେବି।&rdquo;</p><p>[caption id=&quot;attachment_354506&quot; align=&quot;aligncenter&quot; width=&quot;750&quot;](image) &lt;span style=&quot;color: #ff0000;&quot;&gt;ପ୍ରଫେସର ପ୍ରଶାନ୍ତ ପଟ୍ଟନାୟକ ଓ ତାଙ୍କ ପତ୍ନୀ&lt;/span&gt;[/caption]</p><p>ମେସ୍ ୱାର୍କରଙ୍କ ପ୍ରସଙ୍ଗରେ ପାରିକର ତାଙ୍କ ଗୁରୁ ପ୍ରଫେସର ପଟ୍ଟନାୟକଙ୍କୁ କହିଥିଲେ,&ldquo;ମୁଁ ଜଣେ ମଣିଷ। ମୋର ବି କିଛି ଭାବନା ଅଛି। ସେଥିପାଇଁ ମୁଁ ଏହି ମେସ୍ ୱାର୍କରଙ୍କ ପାଇଁ ସ୍ୱର ଉଠାଉଛି।&rdquo;</p><p>ପ୍ରଫେସର ପଟ୍ଟନାୟକ କହିଛନ୍ତି ଯେ ଆଇଆଇଟିର ଦ୍ୱିତୀୟ ବର୍ଷର ଛାତ୍ର ଥିବା ବେଳେ ପାରିକର ଏହି ମେସ୍ ୱାର୍କର ପ୍ରସଙ୍ଗ ଉଠାଇଥିଲେ। ଏହା ପରେ ପିଜି ଓ ପିଏଚ୍&zwnj;ଡି ପିଲା ବି ତାଙ୍କର ଅନୁଗାମୀ ହୋଇଗଲେ।</p><p>ସୂଚନାଯୋଗ୍ୟ, ୧୯୭୮ ମସିହାରେ ପାରିକର ଆଇଆଇଟି ବମ୍ବେରୁ ଇଞ୍ଜିନିୟରିଂ ପାଠ୍ୟକ୍ରମ ଶେଷ କରିଥିଲେ। ଏହା ପରେ ସେ ନିଜର ଏକ ଇଣ୍ଡଷ୍ଟ୍ରୀ ବି ଆରମ୍ଭ କରିଥିଲେ। ଛାତ୍ର ଜୀବନରୁ ରାଷ୍ଟ୍ରୀୟ ସ୍ୱୟଂ ସେବକ ସଂଘର ଆଦର୍ଶରେ ଅନୁପ୍ରାଣିତ ହୋଇଥିବା ପାରିକର ପରବର୍ତ୍ତୀ ସମୟରେ ସଂଘର ମୁଖ୍ୟ ପ୍ରଶିକ୍ଷକ ଭାବେ କାର୍ଯ୍ୟ କରିଥିଲେ। ୨୬ ବର୍ଷ ବୟସରେ ସଂଘ ଚାଳକ ଭାବେ ଦାୟିତ୍ୱ ନେଇଥିଲେ। ୧୯୯୪ରେ ସେ ପ୍ରଥମେ ଗୋଆ ବିଧାନସଭାକୁ ନିର୍ବାଚିତ ହୋଇଥିଲେ। ୨୦୦୦ ମସିହାରେ ସେ ପ୍ରଥମେ ଗୋଆର ମୁଖ୍ୟମନ୍ତ୍ରୀ ହୋଇଥିଲେ।<br />https://youtu.be/qvNXJ8n4gWM</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।