ବିନା ଇଞ୍ଜିନ୍‌ରେ ଟ୍ରେନ ଗଡ଼ିବା ଘଟଣା, ୭ ନିଲମ୍ବିତ

<p>ଭୁବନେଶ୍ସର(ଓଡିଶା ରିପୋର୍ଟର): ସରକାର ବୁଲେଟ୍ ଟ୍ରେନ୍ର ସ୍ୱପ୍ନ ଦେଖୁଥିବା ବେଳେ ରେଳ ବିଭାଗରେ ସୁଧାର ଆସିପାରୁ ନାହିଁ। ଯାହାର ଜ୍ୱଳନ୍ତ ଉଦାହରଣ ଦେଖିବାକୁ ମିଳିଲା ଗତକାଲି ରାତିରେ। ବିନା ଇଞ୍ଜିନରେ ୧୫ କିଲୋମିଟର ଗଡ଼ିଗଲା ପୁରୀ-ଅହମ୍ମଦାବାଦ୍&zwnj; ଏକ୍ସପ୍ରେସ୍&zwnj;। &nbsp;ବାଜିରେ ଲାଗିଗଲା ଶହଶହ ଯାତ୍ରୀଙ୍କ ଜୀବନ। ଗତକାଲି ଟିଟିଲାଗଡ଼ ଷ୍ଟେସନରୁ ଏହି ଗାଡିର ୨୨ଟି ବଗି ବିନା ଇଞ୍ଜିନରେ ଗଡ଼ିବା ଘଟଣାର ଚାଲିଛି ଉଚ୍ଚସ୍ତରୀୟ ଖୋଳତାଡ଼। ଆଉ &nbsp;୭ଜଣ କର୍ମଚାରୀଙ୍କୁ ସସ୍ପେଣ୍ଡ କରିଛି ରେଳ ବିଭାଗ। ୩ଦିନ ଭିତରେ ରିପୋର୍ଟ ମଗାଯାଇଛି । କେଉଁଠି ତ୍ରୁଟି ରହିଲା, &nbsp;ଦାୟୀ କିଏ ବୋଲି ଏବେ &nbsp;ଯାତ୍ରୀ ମାଗୁଛନ୍ତି ଜବାବ।</p><p>ସୂଚନାଯୋଗ୍ୟ, ଶନିବାର ରାତି ପ୍ରାୟ ୧୦ଟା ୫ ଟିଟିଲାଗଡ଼ ଷ୍ଟେସନ୍&zwnj;ରେ ଅହମ୍ମଦାବାଦ-ପୁରୀ ଏକ୍ସପ୍ରେସ୍ର ଇଞ୍ଜିନ ବଦଳ ହୋଇଥିଲା । ୨୨ଟି ବଗିରେ ଥିଲେ ପ୍ରାୟ ୨ ହଜାର ପାଖାପାଖି ଯାତ୍ରୀ । ହଠାତ୍ ଗାଡ଼ି ପଛକୁ ଗଡିଥିଲା, ହେଲେ ବିନା ଇଞ୍ଜିନିରେ ଗଡ଼ୁଥିବା କେହି ଜାଣି ପାରି ନ ଥିଲେ । ପରେ ଯେଉଁମାନେ ବୁଝିଥିଲେ ସେତେବେଳେ କିଛି କରିବାକୁ ଉପାୟ ନ ଥିଲା। ଟିଟିଲାଗଡରୁ-କେସିଙ୍ଗା, ୧୩ କିଲୋମିଟର ଗଡ଼ନ୍ତି ଟ୍ରାକରେ ବିନା ବାଧାରେ ଚାଲିଥିଲା ବଗି । କେସିଙ୍ଗା ପରେ ଉଠାଣି ପଡିବାରୁ କାଣ୍ଡେଲ୍ ରୋଡ୍ ଷ୍ଟେସନ ପୂର୍ବରୁ ଟ୍ରେନ୍ର ବେଗ କମିଗଲା। ଆଉ ସେଠୁ ପୁଣି କେସିଂଗା ଆଡ଼କୁ ୪ କିଲୋମିଟର ଗଡ଼ିଥିଲା। ଦୀର୍ଘ ସମୟ ଧରି ବିନା ଇଞ୍ଜିନରେ ବଗି ସବୁ ଏମିତି ଆଗପଛ ଚାଲୁଥିବାବେଳେ ଭୟଭୀତ ହୋଇ ପଡିଥିଲେ ଯାତ୍ରୀ। ପରେ କାଠ ଲଗାଇ କେସିଙ୍ଗା ନିକଟରେ ଟ୍ରେନ୍ ଅଟକା ଯାଇଥିଲା । ଇଂଜିନ୍ ସଂଯୋଗ ହେବାପରେ ଗନ୍ତବ୍ୟ ସ୍ଥଳ ଅଭିମୁଖେ ଯାତ୍ରା କରିଥିଲା ଟେନ୍।</p><p>ଏହି ଅଘଟଣାକୁ ଦିନଟିଏ ବିତିବାକୁ ବସିଥିଲେ ବି କାରଣ ଖୋଜି ପାଉନି ରେଳ ବିଭାଗ&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; । ଏହି ଅଘଟଣ ପରେ ଦୁଇ ରେଳ କର୍ମଚାରୀ ଧର୍ମେନ୍ଦ୍ର ନିହାଲ ଓ କାନ୍ତା ଖର୍ସେଲଙ୍କୁ ଗତରାତିର ଅଘଟଣ ପରେ ତୁରନ୍ତ ସସ୍ପେଣ୍ଡ କରାଯାଇଥିଲା &nbsp;ଧର୍ମେନ୍ଦ୍ର କହିଛନ୍ତି, କପଲିଂ ଠିକ୍ ଥିବା ତାଙ୍କୁ ଓ୍ୱାକି-ଟକିରେ ଜଣାଇଥିଲେ କାନ୍ତା, ତେଣୁ ତାଙ୍କର କିଛି ଦୋଷ ନାହିଁ । ତେଣେ କାନ୍ତା କିନ୍ତୁ କଥାଟିକୁ ଗୋଳେଇ କହୁଛନ୍ତି ।</p><p>ସମ୍ବଲପୁର ଡିଆରଏମ୍&zwnj;ଙ୍କ ସମେତ ବରିଷ୍ଠ ରେଳ ଅଧିକାରୀ ଘଟଣାସ୍ଥଳକୁ ଯାଇ ସ୍ଥିତି ଅନୁଧ୍ୟାନ କରିବା ସହ ଏ ଗୁରୁତର ତ୍ରୁଟି ପଛର କାରଣ ଖୋଜୁଛନ୍ତି । ୩ ଦିନ ଭିତରେ ତଦନ୍ତ ରିପୋର୍ଟ ମଗାଯାଇଛି । ସେପଟେ ଘଟଣାରେ ରବିବାର ୨ଜଣ ଇଞ୍ଜିନ ଡ୍ରାଇଭର, ୩ଜଣ କ୍ୟାରେଜ୍ ମରାମତି ଷ୍ଟାଫ୍ ଓ ୨ଜଣ ଅପରେଟିଂ କର୍ମଚାରୀଙ୍କୁ ମିଶାଇ ୭ଜଣଙ୍କୁ ସସ୍ପେଣ୍ଡ କରିଛି ରେଳ ବିଭାଗ।</p><p>ହେଲେ ଏବେ ପ୍ରଶ୍ନ ଉଠିଛି ଗାଡିରେ ଥିବା ଯାତ୍ରୀଙ୍କମଧ୍ୟରୁ ଯଦି କାହାର କିଛି ହୋଇଥାନ୍ତା ତା ହେଲେ ଏଥିପାଇଁ କିଏ ଦାୟୀ ହୋଇଥାନ୍ତା?</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।