ପୁରୀ: କୋହିନୁର ହୀରା ପ୍ରସଙ୍ଗରେ ବ୍ରିଟେନ୍ ରାଣୀ କୌଣସି ପଦକ୍ଷେପ ନେଇପାରିବେ ନାହିଁ ବୋଲି ପୁରୀ ଶ୍ରୀଜଗନ୍ନାଥ ସେନାକୁ ଚିଠି ଆସିଛି। ଏ ପ୍ରସଙ୍ଗରେ ଲଣ୍ଡନ ସରକାରଙ୍କ ସହାୟତା ନେବା ପାଇଁ ପରାମର୍ଶ ଦେଇଛନ୍ତି ବ୍ରଟେନ୍ ରାଣୀଙ୍କ ସହ ସଂଯୋଜକ ମିସ୍ ଜେନି ରିନେ।
ଶ୍ରୀଜଗନ୍ନାଥ ମହାପ୍ରଭୁଙ୍କୁ ପଞ୍ଜାବର ରାଜା କୋହିନୁର ହୀରା ଅର୍ପଣ କରିଥିଲେ। ଏ ସମ୍ପର୍କରେ ପ୍ରମାଣ ମିଳିବା ପରେ ଶ୍ରୀଜଗନ୍ନାଥ ସେନା ପକ୍ଷରୁ ବ୍ରିଟେନ୍ ରାଣୀଙ୍କୁ ଚିଠି ଲେଖାଯାଇଥିଲା। ଚିଠିର ଉତ୍ତର ଆସିବା ପରେ ସେନା ପକ୍ଷରୁ ଏ ନେଇ ଭାରତ ସରକାରଙ୍କୁ ଅବଗତ କରାଇବୁ। ଆବଶ୍ୟକ ପଡ଼ିଲେ ଲଣ୍ଡନ ସରକାରଙ୍କ ସହ ଆଲୋଚନା କରାଯିବ ବୋଲି ଶ୍ରୀଜଗନ୍ନାଥ ସେନା ଆବାହକ ପ୍ରିୟଦର୍ଶନ ପଟ୍ଟନାୟକ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।