ପୁରୀରେ ଗଣଦୁଷ୍କର୍ମ: ପାପ ପଛରେ ପୁଲିସ !

ପୁରୀ : ହାଇଦ୍ରାବାଦର ଗଣ ଦୁଷ୍କର୍ମ ଘଟଣା ସାରା ଦେଶକୁ ଦୋହଲାଇଦେଇଥିଲା ବେଳେ ଏବେ ପୁରୀରୁ ସେମିତି ଏକ ଛାତିଥରା ଘଟଣା ଆସିଛି। ନାରୀ ନିର୍ଯାତନା ଓ ଦୁଷ୍କର୍ମକାରୀଙ୍କୁ ଫାଶୀ ନେଇ  ସମଗ୍ର ଦେଶ କମ୍ପମାନ କରୁଥିବା ବେଳେ ଯୌନ ପିପାସୁମାନଙ୍କର କୌଣସି ଫରକ ପଡ଼ିନି।

ପର୍ଯ୍ୟଟନ ସହର ପୁରୀରେ ଲଜ୍ଜା ଜନକ ଖବର ଆସିଛି।  ଯୁବତୀଙ୍କ ସହ ଗଣଦୁଷ୍କର୍ମ ଭଳି  ଚାଞ୍ଚଲ୍ୟକର ଅଭିଯୋଗ ଆସିଛି। ଝାଡ଼େଶ୍ୱରୀ କ୍ଲବ୍ ନିକଟ କ୍ୱାର୍ଟର୍ସରେ ଏହି ଜଘନ୍ୟକାଣ୍ଡ ଘଟିଥିବା ଅଭିଯୋଗ ହୋଇଛି। ଅଭିଯୋଗ ଅନୁଯାୟୀ ଯୁବତୀ ଜଣକ ନିମାପଡ଼ା ବସ୍‌ଷ୍ଟାଣ୍ଡରେ କାକଟପୁର ଅଞ୍ଚଳକୁ ଯିବା ପାଇଁ ଅପେକ୍ଷାରେ ଥିଲେ। ଏହି ସମୟରେ ୪ ଜଣ ଯୁବକ ପୁଲିସ ପରିଚୟ ଦେଇ ତାଙ୍କୁ ତାଙ୍କ ଘରେ ଛାଡ଼ିଦେବାକୁ କହି କାର୍‌ରେ ଝାଡ଼େଶ୍ୱରୀ କ୍ଲବ୍  ନିକଟ କ୍ୱାର୍ଟର୍ସକୁ ନେଇ ଦୁଷ୍କର୍ମ କରିଥିବା ଅଭିଯୋଗ ହୋଇଛି। ତେବେ ଘଟଣା ସମୟରେ ଜଣଙ୍କ ପର୍ସକୁ ଅକ୍ତିୟାର କରି ନେଇଥିଲେ  ଯୁବତୀ। ଏହି ପର୍ସରୁ ଜିତେନ୍ଦ୍ର ସେଠୀ ନାମକ ଜଣେ କନଷ୍ଟେବଲଙ୍କର ଆଇ କାର୍ଡ ମିଳିଥିବା ସୂଚନା ମିଳିଛି।