ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର (ଓଡ଼ିଶା ରିପୋର୍ଟର): ମିଲରମାନେ ସରକାରଙ୍କଠୁ ଧାନ ନେଉଛନ୍ତି। ହେଲେ ଚାଉଳ ଦେଉନାହାନ୍ତି। ଧାନ ନେଇଥିବା ଏପରି ୯୨ ମିଲରଙ୍କ ଉପରେ ବାକି ପଡିଛି ୧୩୪ କୋଟି ଟଙ୍କା। ଏପଟେ ଝାରସୁଗୁଡା ବଜରଙ୍ଗୀବଲି ରାଇସ ମିଲ୍ ମାଲିକ ଦିଲୀପ ଅଗ୍ରଓ୍ୱାଲ ନକଲି ବ୍ୟାଙ୍କ ଗ୍ୟାରେଣ୍ଟି ଜରିଆରେ ୮ କୋଟିରୁ ଅଧିକ ଟଙ୍କାର ଧାନ ନେଇ ଚମ୍ପଟ ମାରିଛନ୍ତି। ଠକ୍‌ ମିଲରଙ୍କ ବିରୁଦ୍ଧରେ ରାଜ୍ୟ ଯୋଗାଣ ନିଗମ ମାମଲା ତ ରୁଜୁ କରିଛି, ହେଲେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ହେଉ ନଥିବାରୁ ବର୍ଷ ବର୍ଷ ଧରି ସରକାରଙ୍କୁ ଚୁନ ଲଗାଉଛନ୍ତି ମିଲରମାନେ।</p> <p>ଏମାନେ ହେଚନ୍ତି ‘ମିଲର-420’। ଦିଲୀପ ସରକାରଙ୍କୁ ୮ କୋଯି ଟଙ୍କାର ଚୂନ ଲଗାଇବା ପରେ ଯୋଗାଣ ବିଭାଗ ଖୋଳତାଡ଼ ଆରମ୍ଭ କରିଛି। ହେଲେ ଦିଲୀପଙ୍କ ସମ୍ବଲପୁର ସ୍ଥିତ ଘରେ ପରିବାର ଲୋକ ତାଙ୍କ ସମ୍ପର୍କରେ ମୁହଁ ଖୋଲୁନାହାଁନ୍ତି। ସୂଚନା ଅନୁସାରେ ୨୦୧୬-୨୦୧୭ ବର୍ଷରେ ଯୋଗାଣ ନିଗମଠାରୁ ବଜରଙ୍ଗବଲୀ ମିଲ ୭୯ ହଜାର ୩୮୮ କୁଇଣ୍ଟାଲ ଧାନ ନେଇଥିଲା। ପଇଠ କରିଥାଆନ୍ତା ୫୩ ହଜାର ୯୮୪ କୁଇଣ୍ଟାଲ ଚାଉଳ। ମାତ୍ର ୧୯ ହଜାର ୪୦୯ କୁଇଣ୍ଟାଲ ଚାଉଳ ଦେବା ପରେ ଫେରାର ହୋଇଯାଇଛନ୍ତି ଦିଲୀପ ଅଗ୍ରଓ୍ୱାଲ। ସେହିପରି ଦିଲୀପ ଦେଇଥିବା ୩ଟି ବ୍ୟାଙ୍କ ଗ୍ୟାରିଣ୍ଟିରୁ ୨ ଟି ନକଲି। ଏକଥା ଜଣା ପଡିବା ପରେ ତାଙ୍କ ଆକାଉଣ୍ଟର ସ୍ୱତନ୍ତ୍ର ଅଡିଟ୍ କରିବାକୁ ନିର୍ଦ୍ଦେଶ ଦେଇଛନ୍ତି ରାଜ୍ୟ ଯୋଗାଣ ନିଗମ।</p> <p>କେବଳ ଝରସୁଗୁଡାର ଏ ଗୋଟିଏ ମିଲ ନୁହେଁ ଚାଉଳ ନେଇ ସରକାରଙ୍କୁ ବର୍ଷ ବର୍ଷ ଧରି ଠକି ଚାଲିଛନ୍ତି ଅନେକ ମିଲର। ଦେବଗଡର ବିଏମଆର ରାଇସ ମିଲ ଚାଉଳ ନ ଦେଇ ଠକିଥିବାରୁ ମାଲିକଙ୍କ ବିରୋଧରେ ଏଫଆଇଆର ଦେବାକୁ ନିର୍ଦ୍ଦେଶ ଦେଇଛି ଯୋଗାଣ ନିଗମ। ସରକାରୀ ହିସାବ କହୁଛି ୯୨ଟି ମିଲ ସରକାରଙ୍କୁ ୧୩୪ କୋଟି ୫୮ ଲକ୍ଷ ଟଙ୍କାର ଚୂନ ଲଗାଇଛନ୍ତି। ୬୪ ଜଣଙ୍କ ବିରୋଧରେ ଏଫଆଇର ରୁଜୁ କରିଛି ଯୋଗାଣ ବିଭାଗ। କିଛି ସ୍ଥାନରେ ଭିଜିଲାନ୍ସ ତଦନ୍ତ ବି ଚାଲଛି। ନାକେଦମ ହେବା ପରେ ଟଙ୍କା ଆଦାୟ ପାଇଁ କ୍ରାଇମବ୍ରାଞ୍ଚର ଅର୍ଥନୈତିକ ଅପରାଧ ଶାଖାକୁ ବି କିଛି ମାମଲା ହସ୍ତାନ୍ତର କରାଯାଇଛି। ତଥାପି ନା ଚାଉଳ ମିଳୁଛି ନା ଟଙ୍କା।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
