ସମ୍ବଲପୁର: ମାଓବାଦୀ ଦମନ ପାଇଁ ଅଭିଯାନକୁ ଜୋରଦାର କରିବାକୁ ହେଲେ ଅଧିକ ଫୋର୍ସର ଆବଶ୍ୟକତା ରହିଛି। ଏଥିପାଇଁ କେଉଁ କେଉଁ ଜିଲ୍ଲାରୁ ଫୋର୍ସ କାଢ଼ି ମାଓ ପ୍ରବଣ ଜିଲ୍ଲାରେ ନିୟୋଜିତ କରାଯିବ । ସେ ନେଇ ରାଜ୍ୟ ସରକାରଙ୍କ ସହ ଆଲୋଚନା କରାଯିବା ସହ ସମ୍ୱଲପୁରରେ ସିଆରପିଏଫ ଦ୍ୱିତୀୟ ଗ୍ରୁପ ସେଣ୍ଟର ପ୍ରତିଷ୍ଠା ହେବ ବୋଲି କହିଛନ୍ତି ସିଆରପିଏଫ ଡିଜି ପ୍ରକାଶ ମିଶ୍ର। ଭୁବନେଶ୍ୱର ଭଳି ସମ୍ୱଲପୁରରେ ଏହି ଗ୍ରୁପ ସେଣ୍ଟର ପ୍ରତିଷ୍ଠା କରାଯିବ ବୋଲି ପ୍ରକାଶ କହିଛନ୍ତି। ଖପ୍ରାଖୋଲ ଏବଂ ସମ୍ୱଲପୁର ଗସ୍ତ ଅବସରରେ ସେ ଏହି ସୂଚନା ଦେଇଛନ୍ତି। ସେହିପରି ମାଓ ଦମନ ଅଭିଯାନକୁ ଜୋରଦାର କରାଯିବ ବୋଲି କହିଛନ୍ତି ସିଆରପିଏଫ ଡିଜି। ଗତକାଲି ସେ ବଲାଙ୍ଗୀର ଜିଲ୍ଲା ଖପ୍ରାଖୋଲକୁ ଯାଇ ମାଓ ମୁକାବିଲା ନେଇ ସମୀକ୍ଷା କରିଥିଲେ । ହରିଶଙ୍କରରେ ଥିବା ସିଆରପିଏଫ୍ କ୍ୟାମ୍ପକୁ ଯାଇ ମାଓ ମୁକାବିଲାର ସ୍ଥିତି ନେଇ ସମୀକ୍ଷା କରିଥିଲେ । ପରେ ସମ୍ୱଲପୁର ଯାଇ ବୁର୍ଲା ବସନ୍ତପୁରରେ ପ୍ରସ୍ତାବିତ ସିଆରପିଏଫ ଗ୍ରୁପ ସେଣ୍ଟର ଅଞ୍ଚଳକୁ ବୁଲିଦେଖିଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।