କଟକ: କଟକକୁ ସ୍ମାର୍ଟସିଟି ମାନ୍ୟତା ଦାବିରେ ଆରମ୍ଭ ହୋଇଛି ୧୨ ଘଣ୍ଟିଆ ବନ୍ଦ ପାଳନ। ବନ୍ଦ ଡାକରା ଦେଇଥିବା ସଂଗଠନଗୁଡ଼ିକ ସହରର ବିଭିନ୍ନ ସ୍ଥାନରେ ରାସ୍ତା ଅବରୋଧ କରିବା ସହ ପିକେଟିଂ କରିଛନ୍ତି। ସହରର ବାଦାମବାଡ଼ି, ମଧୁପାଟଣା, ଲିଙ୍କ୍ ରୋଡ୍ ଭଳି ପ୍ରମୁଖ ସ୍ଥାନରେ ଟାୟାର ଜାଳି ରାସ୍ତା ଅବରୋଧ କରାଯାଇଛି। କଟକକୁ ସ୍ମାର୍ଟ ସିଟି ମାନ୍ୟତା ପ୍ରଦାନ ଦାବିରେ କଟକ ବଞ୍ଚାଅ କମିଟି, କଟକ ବଞ୍ଚାଅ ଆନ୍ଦୋଳନ କମଟି ଏବଂ ଆମ୍ ଆଦମୀ ପାର୍ଟି ପକ୍ଷରୁ ଏହି ୧୨ ଘଣ୍ଟିଆ ବନ୍ଦ ଡାକରା ଦିଆଯାଇଛି। ବନ୍ଦକୁ ଆଉ କିଛି ସଂଗଠନ ମଧ୍ୟ ସମର୍ଥନ ଜଣାଇଛନ୍ତି।
ତେବେ ଆମ୍ ଆଦମୀ ପାର୍ଟି ଅର୍ଥନୈତିକ ଅବରୋଧରେ ସାମିଲ ହୋଇନି। ଦଳ କେବଳ ଦଳୀୟ କାର୍ଯ୍ୟାଳୟ ନିକଟରେ ହରତାଳ କରିବାକୁ ନିଷ୍ପତ୍ତି ନେଇଛି। ହଜାରେ ବର୍ଷର ସହର କଟକକୁ ସ୍ମାଟସିଟି ତାଲିକାରୁ ବାଦ୍ ଦେବା ନିଶ୍ଚିନ୍ତ ଦୁର୍ଭାଗ୍ୟଜନକ ବୋଲି ବିଭିନ୍ନ ସଂଗଠନର ସଦସ୍ୟମାନେ ଅଭିଯୋଗ କରିଛନ୍ତି। ତେଣୁ ରାଜ୍ୟ ସରକାର କେନ୍ଦ୍ରକୁ ସ୍ମାର୍ଟସିଟି ପାଇଁ ଦେଇଥିବା ପ୍ରସ୍ତାବରେ ସଂଶୋଧନ କରି କଟକକୁ ସାମିଲ କରନ୍ତୁ ବୋଲି ବିଭିନ୍ନ ସଂଗଠନ ପକ୍ଷରୁ ଦାବି ହୋଇଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।