‘ପିଠା’ରେ ଫାଟିଲା ମୁଣ୍ଡ, ସରପଞ୍ଚ ଓ ତାଙ୍କ ପରିବାରକୁ ମାଡ଼

କଟକ(ଓଡ଼ିଶା ରିପୋର୍ଟର): ‘ପିଠା’ରେ ଫାଟିଲା ମୁଣ୍ଡ। ରାଜ୍ୟ ସରକାରଙ୍କ ପିଠା କାର୍ଯ୍ୟକ୍ରମ ବେଳେ ସରପଞ୍ଚ ଓ ତାଙ୍କ ପରିବାରକୁ ମାଡ଼ ଅଭିଯୋଗ ହୋଇଛି। କଟକ ସଦର ବ୍ଲକ ଗତିରାଉତପାଟଣା ପଞ୍ଚାୟତରେ ‘ପିଠା’ କାର୍ଯ୍ୟକ୍ରମ ବେଳେ ସରପଞ୍ଚ ଲକ୍ଷ୍ମୀପ୍ରିୟା ସ୍ୱାଇଁ, ତାଙ୍କ ସ୍ୱାମୀ ଓ ପୁଅକୁ କିଛି ଦୁର୍ବୃତ୍ତ ମାଡ ମାରିଛନ୍ତି। ଉଭୟଙ୍କୁ ବନ୍ଧୁକର ପଛରେ ମୁଣ୍ଡକୁ ଆକ୍ରମଣ କରାଯାଇଥିବା ସେ କହିଛନ୍ତି। ସେମାନେ ମନ୍ତ୍ରୀ ଚନ୍ଦ୍ରସାରଥୀ ବେହେରାଙ୍କ ସମର୍ଥକ ବୋଲି ଅଭିଯୋଗ କରିଛନ୍ତି ସରପଞ୍ଚ। ଏ ସମ୍ପର୍କରେ ସେ ଚାଉଳିଆଗଞ୍ଜ ଥାନାରେ ଏତଲା ଦେଇଛନ୍ତି।

ସରପଞ୍ଚ ଲକ୍ଷ୍ମୀପ୍ରିୟା ସ୍ୱାଇଁ କହିଛନ୍ତି-“ଆଜିର ପିଠା କାର୍ଯ୍ୟକ୍ରମରେ ବଲ୍‌ବ ବଣ୍ଟାଯିବାର ଥିଲା। ସଭା ଆରମ୍ଭ ହେବା ପରେ ମୁଁ ମାଇକ୍‌ରେ ଘୋଷଣା କରୁଥିବା ବେଳେ ୩ରୁ ୪ ଜଣ ଯୁବକ ମାରଣାସ୍ତ୍ର ଧରି ମୋତେ ଆକ୍ରମଣ କରିଥିଲେ। ଫଳରେ ମୋର ହାତ ଭାଙ୍ଗି ଯାଇଥିବା ବେଳେ ପୁଅର ମୁଣ୍ଡ ଫାଟି ଯାଇଛି। ଏପରି କାର୍ଯ୍ୟ ଚନ୍ଦ୍ରସାରଥୀଙ୍କ ସମର୍ଥକମାନେ କରିଛନ୍ତି।”

ସରପଞ୍ଚଙ୍କୁ ଏହି ଅଭିଯୋଗକୁ ଖଣ୍ଡନ କରିଛନ୍ତି ମନ୍ତ୍ରୀ ଚନ୍ଦ୍ର ସାରଥୀ। ସେ କହିଛନ୍ତି-“ଆକ୍ରମଣ ସମ୍ପର୍କରେ ମୁଁ କିଛି ଜାଣିନି। ଆପଣମାନଙ୍କଠାରୁ ଶୁଣିବାକୁ ପାଉଛି। ଏ ନେଇ ଥାନାରେ ଅଭିଯୋଗ ହୋଇଥିଲେ, ପୁଲିସ ତଦନ୍ତ କଲେ ଜଣାପଡ଼ିବ। କିନ୍ତୁ ମୁଁ ସଭାରେ ପହଞ୍ଚିଲା ବେଳକୁ ସବୁ ଠିକ୍‌ଠାକ୍‌ ଥିଲା।”

ଆହୁରି ପଢ଼ନ୍ତୁ

ହରିୟାନାରୁ ଆସି ଅନୁଗୋଳରୁ ଲୁଟିଲେ ୨୭ ଲକ୍ଷ; ଛତିଶଗଡ଼ରୁ ଧରା ପଡ଼ିଲେ

କ୍ୱାରେଣ୍ଟାଇନରେ ରହିବେ ୨ କ୍ୟାବିନେଟ ମନ୍ତ୍ରୀ

‘ଜିଲ୍ଲାପାଳ’ କ୍ଷମତା ଥିବା କହି ଭାଙ୍ଗିଦେଲେ ୬ ଅର୍ଦ୍ଧ ନିର୍ମିତ ଘର

ଅଙ୍କିତାଙ୍କ ୪.୫ କୋଟିର ଫ୍ଲାଟ ପାଇଁ ଇଏମଆଇ ଦେଉଥିଲେ ସୁଶାନ୍ତ ସିଂହ ରାଜପୁତ!

ବରିଷ୍ଠ ପୁଲିସ ଅଫିସରସ୍ତରରେ ବଦଳି; କିଏ କେଉଁଠିକି ଗଲେ ପଢ଼ନ୍ତୁ

ଦେଢ଼ ବର୍ଷର ପୁଅକୁ କଚାଡ଼ି ମାରିଦେଲା ବାପା!

କରୋନାରେ ଆକ୍ରାନ୍ତ କଣ୍ଠଶିଳ୍ପୀ ବାଲାସୁବ୍ରମଣିୟମଙ୍କ ସ୍ୱାସ୍ଥ୍ୟାବସ୍ଥା ବିଗିଡ଼ିଲା, ଆଇସିୟୁରେ ଭର୍ତ୍ତି

‘ଗଞ୍ଜାମରେ କମୁଛି କରୋନା ସଂକ୍ରମଣ’

ପୁଣି ପଦାରେ ପଡ଼ିଲା ବିଏମସିର କୋଭିଡ୍ ପରିଚାଳନା, ପଜିଟିଭ୍ କି ନେଗେଟିଭ୍ ଦ୍ୱନ୍ଦ୍ୱରେ ମହିଳା

ଆସ୍ଥା ଭୋଟ୍‌ ଜିତିଲେ ଗେହଲଟ ସରକାର, ବିଜେପିକୁ ଜବାବ ଦେଲେ ପାଇଲଟ୍‌

‘କେସ ପଛେ ଖାଇବୁ, ନିଶ୍ଚିତ ଗଣେଶ ପୂଜା କରିବୁ’

ଭଲ ଖବର: ଭାରତର କରୋନା ଟିକା ଫେଜ-୧ ପରୀକ୍ଷାରେ ସଫଳ