ଭୁବନେଶ୍ୱର: ସୋମବାର ସଚିବାଳୟରେ ଶିଳ୍ପ ବିଭାଗର ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ୨୦୧୯ ମଧ୍ୟରେ ରାଜ୍ୟରେ ଶିଳ୍ପ ଉତ୍ପାଦନ ହାର ୧୫ରୁ ୧୬ ପ୍ରତିଶତ କରାଯିବାକୁ ଯେଉଁ ଲକ୍ଷ୍ୟ ରଖାଯାଇଛି ସେଥିପାଇଁ ରୋଡ୍ ମ୍ୟାପ୍ ତିଆରି କରିବାକୁ ନିର୍ଦ୍ଦେଶ ଦେଇଛନ୍ତି ମୁଖ୍ୟମନ୍ତ୍ରୀ। ଏଥିରେ ୩ ଲକ୍ଷ ଅତିରିକ୍ତ ନିଯୁକ୍ତି ସୃଷ୍ଟି ହୋଇପାରିବ। ତା’ସହ ରପ୍ତାନୀ ବୃଦ୍ଧି ଉପରେ ମଧ୍ୟ ବୈଠକରେ ଗୁରୁତ୍ୱ ଦଆଯାଇଛି। କଳିଙ୍ଗନଗର, ଧାମରା ଓ ପାରାଦୀପରେ ସ୍ପେଶାଲ ଇନଭେଷ୍ଟମେଣ୍ଟ ରିଜନର ମଧ୍ୟ ସମୀକ୍ଷା କରିଛନ୍ତି ମୁଖ୍ୟମନ୍ତ୍ରୀ। ତା’ସହ କ୍ଷୁଦ୍ର ଶିଳ୍ପ ଓ ମଧ୍ୟମ ଶିଳ୍ପ ଲାଗି ରାଜ୍ୟରେ ଆଗମୀ ଦିନରେ ଆଉ ୧୦ଟି ଇଣ୍ଡଷ୍ଟ୍ରିଆଲ୍ ଇେଷ୍ଟଟ କିଭଳି ପ୍ରସ୍ତୁତ ହେବ ତା ଉପରେ ଗୁରୁତ୍ୱ ଦିଆଯାଇଛି। ଏହି ବୈଠକରେ ଶିଳ୍ପମନ୍ତ୍ରୀ ଦେବୀପ୍ରସାଦ ମିଶ୍ର, ଶିଳ୍ପ ସଚିବଙ୍କ ସହ ଅନ୍ୟ ବିଭାଗୀୟ ଅଧିକାରୀ ଉପସ୍ଥିତ ଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
