କଟକ: ଡକାୟତି ଯୋଜନା ପଣ୍ଡ। ଡକାୟତି ଯୋଜନା କରୁଥିବା ବେଳେ କଟକ ଜିଲ୍ଲା ସାଲେପୁର ପୋଲିସ ୬ ଆନ୍ତଃରାଜ୍ୟ ଡକାୟତଙ୍କୁ ଗିରଫ କରିଛି। ପୋଲିସ ସେମାନଙ୍କଠାରୁ ଦୁଇଟି ପିସ୍ତଲ, ୨ଟି କଟୁରି, ୮ ମୋବାଇଲ ଓ ୨ଟି ଜୀବନ୍ତ ବୋମା ଜବତ କରିଛି। ଗିରଫ ଡକାୟତମାନେ ହେଲେ ମାହାଙ୍ଗା ଅଞ୍ଚଳର ବସନ୍ତ ଲେଙ୍କା, କେନ୍ଦ୍ରାପଡା ଅଞ୍ଚଳର ଉମେଶ ସାହୁ, ଚୌଦାର ଅଞ୍ଚଳର ଚିତ୍ତରଂଜନ ଦାସ, ତିର୍ତ୍ତୋଲ ଅଞ୍ଚଳର ପ୍ରମୋଦ କୁମାର ଦାସ, ଭୁବନେଶ୍ୱର ଅଞ୍ଚଳର ପ୍ରକାଶ ଭୋଇ ଓ ଖୁଣ୍ଟୁଣି ଥାନା ଅଞ୍ଚଳର କୁନିଆ ସାମଲ।
ଗତକାଲି ରାତିରେ କେନ୍ଦୁପାଟଣା ଇରିଗେସନ ସବଡିଭିଜନ ଅଫିସର ଏକ ଗୃହରେ ଡକାୟତି ଯୋଜନା କରୁଥିବା ବେଳେ ପୋଲିସ ଏମାନଙ୍କୁ ଧରିବାରେ ସଫଳ ହୋଇଥିଲା। ହେଲେ ଘଟଣାସ୍ଥଳରୁ ଅନ୍ୟ ୨ ଜଣ ଡକାୟତ ଫେରାର ହୋଇଯାଇଥିଲେ। ଗିରଫ ଡକାୟତମାନଙ୍କ ନାଁରେ ରାଜ୍ୟର ବିଭିନ୍ନ ଥାନାରେ ବହୁ ମାମଲା ରହିଛି।