ଭୁବନେଶ୍ୱର(ଓଡ଼ିଶା ରିପୋର୍ଟର): ଶ୍ରମିକଙ୍କ ପାଇଁ ଓଡ଼ିଶାରୁ ଆରମ୍ଭ ହେଲା ସ୍ୱତନ୍ତ୍ର ଟ୍ରେନ ସେବା। ଆଜି ପ୍ରଥମ ଦିନରେ ଖୋର୍ଦ୍ଧା ରୋଡ୍ରୁ ଗୋଟିଏ ଟ୍ରେନ ଗୁଜରାଟ ଅଭିମୁଖେ ଯାଇଛି। ଏହି ଟ୍ରେନ ରାତି ୮ଟା ୫୦ରେ ବ୍ରହ୍ମପୁରରେ ପହଞ୍ଚିଛି। ସେଠାରୁ ବିଜୟନଗରମ, ରାୟଗଡ଼ା, ଟିଟିଲାଗଡ଼, ରାୟପୁର ଦେଇ ସୁରତ ଯିବ।
ସେହିଭଳି ଆସନ୍ତାକାଲି ଖୋର୍ଦ୍ଧା ରୋଡ୍ରୁ ପୂର୍ବାହ୍ନ ୧୦ଟା ୪୦ରେ ଗୁଜରାଟର ଓଖା ଅଭିମୁଖେ ବାହାରିବ ଅନ୍ୟ ଏକ ସ୍ୱତନ୍ତ୍ର ଟ୍ରେନ। ଏହି ଟ୍ରେନ ବି ସମାନ ରୁଟ୍ ଦେଇ ଯିବ। ଖୋର୍ଦ୍ଧା ରୋଡ୍-ଗାନ୍ଧି ଧାମ୍ ଟ୍ରେନ୍ ଖୋର୍ଦ୍ଧା ରୋଡ୍ରୁ ଆସନ୍ତା ୧୬ ତାରିଖ ପୂର୍ବାହ୍ନ ୧୧ଟା ୪୦ରେ ଛାଡ଼ିବ। ବ୍ରହ୍ମପୁର, ରାୟଗଡ଼ା, ଟିଟିଲାଗଡ଼ ଦେଇ ଏହି ଟ୍ରେନ ଯିବ ଗୁଜରାଟ୍ ଅଭିମୁଖେ। ତେବେ ଖୋର୍ଦ୍ଧା ରୋଡ୍-ଅହମଦାବାଦ ଟ୍ରେନ ସପ୍ତାହକୁ ୪ ଦିନ ଚାଲିବାକୁ ଥିବା ବେଳେ ଖୋର୍ଦ୍ଧା ରୋଡ୍-ଓଖା ସପ୍ତାହକୁ ଥରେ ଅର୍ଥାତ ରବିବାର ଚାଲିବ।
ସେହିପରି ଖୋର୍ଦ୍ଧା ରୋଡ୍-ଗାନ୍ଧିଧାମ ଟ୍ରେନ କେବଳ ଶନିବାର ଚାଲିବ ବୋଲି ରେଲୱେ ପକ୍ଷରୁ ସୂଚନା ଦିଆଯାଇଛି। କୋଭିଡ୍ କଟକଣା ଭିତରେ ଗତ ୬ ମାସ ପରେ ଟ୍ରେନ ଗଡୁଥିବାରୁ ପ୍ରବାସୀ ଓଡ଼ିଆମାନେ ଟିକେଟ ବୁକିଂ ବି କରିସାରିଛନ୍ତି। ଲକଡାଉନ ପାଇଁ କାମଧନ୍ଦା ହରାଇବା ପରେ ଏବେ ପୁଣି ରାଜ୍ୟ ବାହାରକୁ ଯାଇ ଦି’ପଇସା ରୋଜଗାର ପାଇଁ ଆଶା ବାନ୍ଧିଛନ୍ତି ଶ୍ରମିକ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
