ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>କଟକ (ଓଡ଼ିଶା ରିପୋର୍ଟର): ସମୟ ଜ୍ଞାନ କଥା ଆସିଲେ ଭାରତୀୟ ନେତାଙ୍କ ନାଁ ସବୁଠାରୁ ଆଗରେ ରହିବ। ସେମାନଙ୍କ ସମୟ ଜ୍ଞାନକୁ ନେଇ ସବୁବେଳେ ସବୁଠାରେ ଆଲୋଚନା ହୋଇଥାଏ। ତଥାପି ସେମାନଙ୍କ ଆଚରଣରେ ପରିବର୍ତ୍ତନ ହେବାର ଦେଖିବାକୁ ମିଳିନାହିଁ। କୌଣସି ପରିସ୍ଥିତିରେ ଠିକ୍‌ ସମୟରେ ନିମନ୍ତ୍ରିତ ସଭାରେ ପହଞ୍ଚିବାର ନଜିର ନାହିଁ। ସବୁବେଳେ ବିଳମ୍ୱରେ ପହଞ୍ଚି ବାହାନା ଦେଖାଇ ଖସି ଯିବାରେ ସଫଳ ହୋଇଥାଆନ୍ତି। ଆଜି ଏପରି ଏକ ନଜିର ରାଜ୍ୟ କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥୀ ବେହେରାଙ୍କ କ୍ଷେତ୍ରରେ ଦେଖିବାକୁ ମିଳିଛି। କଟକ ବାରବାଟୀରେ ଆରମ୍ଭ ହେବାକୁ ଥିବା ରାଜ୍ୟ ଖେଳକୁଦ ପ୍ରତିଯୋଗିତାକୁ ଉଦ୍‌ଘାଟନ କରିବା ପାଇଁ କ୍ରୀଡ଼ାମନ୍ତ୍ରୀ ୪ ଘଣ୍ଟା ବିଳମ୍ୱରେ ପହଞ୍ଚିଥିଲେ। ଯାହାଫଳରେ ଆଜି ଖେଳ ହୋଇପାରି ନାହିଁ। ଦୂରଦୂରାନ୍ତରୁ ଆସିଥିବା ଖେଳାଳୀମାନେ ବହୁ ସମୟ ଧରି ଅପେକ୍ଷା କରିଥିଲେ। ଏଥିରୁ ଜଣାପଡ଼ୁଛି ଆମ କ୍ରୀଡ଼ାମନ୍ତ୍ରୀ କେତେ ସ୍ପୋର୍ଟିଭ।</p> <p>କଟକ ବାରବାଟୀ ଷ୍ଟାଡିୟମରେ ରାଜ୍ୟ ଦୌଡ଼କୁଦ ପ୍ରତିଯୋଗିତା ଆରମ୍ଭ ହୋଇଛି। ଏଥିରେ ମୁଖ୍ୟ ଅତିଥି ଭାବେ କ୍ରୀଡ଼ାମନ୍ତ୍ରୀ ଚନ୍ଦ୍ରସାରଥୀ ବେହେରା ଯୋଗଦେଇ ଉଦ୍‌ଘାଟନ କରିବାର ଥିଲା। ସକାଳ ୧୦ ଟାରେ କ୍ରୀଡ଼ା ପ୍ରତିଯୋଗିତା ଉଦ୍‌ଘାଟନ ହେବାର ଥିଲା। ମାତ୍ର ମନ୍ତ୍ରୀ ପହଞ୍ଚିଥିଲେ ଅପରାହ୍ନ ୨ଟାରେ। ମନ୍ତ୍ରୀଙ୍କୁ ଅପେକ୍ଷା କରି ଦିନ ୧୦ଟାରୁ ଖେଳ ବନ୍ଦ ରହିଲା।</p> <p>ବିଳମ୍ବରେ ପହଞ୍ଚିବା କ୍ରୀଡ଼ାମନ୍ତ୍ରୀ ଶ୍ରୀ ବେହେରା କହିଲେ-“ଆୟୋଜକଙ୍କ ସହ ସମୟକୁ ନେଇ ଭୁଲ ବୁଝାମଣା ହୋଇଥିଲା। ନିଜ ନିର୍ବାଚନମଣ୍ଡଳୀରେ ଥିବାରୁ ବାହାରିବାରେ ବିଳମ୍ବ ହେଲା। ବିଳମ୍ବରେ ଆସିଥିବାରୁ ଦୁଃଖିତ।”</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
