ପୁରୀ (ଓଡ଼ିଶା ରିପୋର୍ଟର): ସ୍ନାନ ଯାତ୍ରାରେ ଅତ୍ୟଧିକ ସ୍ନାନ ଯୋଗୁ ଜ୍ୱରରେ ପଡ଼ିଛନ୍ତି ଶ୍ରୀଜିଉ। ଅଣସର ଘରେ ଚାଲିଛି ମହାପ୍ରଭୁଙ୍କ ଗୁପ୍ତ ସେବା। ଅନବସରର ଆଜି ତୃତୀୟ ଦିନରେ ଶ୍ରୀଅଙ୍ଗ ଫିଟା ନୀତି ଅନୁଷ୍ଠିତ ହେବ।
ଦ୍ୱିପହର ଧୂପ ପରେ ମହାପ୍ରଭୁଙ୍କ ଶ୍ରୀ ଅଙ୍ଗରୁ ଓଦା ବସ୍ତ୍ରକୁ ଓଲାଗି କରିବେ। ଦଇତାପତି ସେବକ ଅନବସରର ଗୁପ୍ତ ସେବା ପ୍ରକାରେ ଦ୍ୱିପହର ଧୂପ ପରେ ଅଣସର ତାଟି ଖୋଲାଯିବ। ଦଇତାପତି ସେବକ ତିନି ଠାକୁରଙ୍କ ଶ୍ରୀଅଙ୍ଗରୁ ଓଦା ବସ୍ତ୍ରକୁ ଓଲାଗି କରିବା ପରେ ସମସ୍ତ ନୀତିକାନ୍ତି ପାଳନ କରିବେ।
ଅନବସରର ଗୁପ୍ତ ସେବା କରାଯାଉଥିବାରୁ ଶ୍ରୀ ମନ୍ଦିରରେ ଆଉ ଶୁଭୁନାହିଁ କୋଳାହଳ, ଶୁଭୁନାହିଁ ଘଣ୍ଟ, ଘଣ୍ଟିର ବାଦ୍ୟ। ୧୦୮କୁମ୍ଭ ଜଳ ସ୍ନାନ କରିଵାପରେ ଜ୍ୱରରେ ପୀଡିତ ହେବାପରେ ୧୫ଦିନ ମହାପ୍ରଭୁଙ୍କୁ ଅନବସର କରାଯାଉଛି।
ପଞ୍ଚମୀ ତିଥିରେ ଫୁଲୁରି ତେଲ ଲାଗି ପରେ ଚାରି ଦିନ ଓଷ ଲାଗି ହେବ। ତେଣେ ଶ୍ରୀମନ୍ଦିରରେ ପଟିଦିଅଁ ପୂଜା ପାଉଛନ୍ତି। ପଟିଦିଅଁ ଅନନ୍ତ ବାସୁଦେବ, ନାରାୟଣ, ଭୁବନେଶ୍ୱରୀଙ୍କ ସହ ଦଶଅବତାର ଠାକୁରଙ୍କୁ ପୂଜା କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
