ରାଉଲକେଲା(ଓଡ଼ିଶା ରିକପୋର୍ଟର): ମହିଳାଙ୍କ ଅଭିନବ ପ୍ରତିବାଦ। ସିଟ୍ କନଫର୍ମ ନ ହେବାରୁ ଟ୍ରେନ୍କୁ ୨୦ମିନିଟ୍ ପର୍ଯ୍ୟନ୍ତ ଅଟକାଇ ଦେଲେ ମହିଳା। ଏଭଳି ଘଟଣା ଦେଖିବାକୁ ମିଳିଛି ରାଉରକେଲା ଷ୍ଟେସନରେ।
ସଂପୃକ୍ତ ମହିଳା ଜଣଙ୍କ ୮ ତାରିଖରେ ଯଶବନ୍ତପୁର ଯିବା ପାଇଁ ଯଶବନ୍ତପୁର-ଟାଟା ଟ୍ରେନରେ ଟିକେଟ ବୁକିଂ କରିଥିଲେ। ହେଲେ ତାଙ୍କ ଟିକେଟ କନଫର୍ମ ହୋଇ ନଥିଲା। ପରେ ମହିଳା ଜଣଙ୍କ ମଙ୍ଗଳବାର ଦିନ ଯଶବନ୍ତପୁର-ଟାଟା ଟ୍ରେନ ଆଗରେ ଅଭିନବ ଢଙ୍ଗରେ ପ୍ରତିବାଦ କରିଥିଲେ। ରେଳ ଟ୍ରାକରେ ଠିଆ ହୋଇ ୨୦ ମିନିଟ୍ ପର୍ଯ୍ୟନ୍ତ ଟ୍ରେନକୁ ଅଟକାଇ ଦେଇଥିଲେ। ମୋ ଟିକେଟ୍ କନଫର୍ମ କର ବୋଲି ଅଡ଼ି ବସିଥିଲେ।
ପରେ ଷ୍ଟେସନ ମ୍ୟାନେଜର ଓ ସୁରକ୍ଷା ଅଧିକାରୀ ଘଟଣାସ୍ଥଳରେ ପହଞ୍ଚି ବୁଝାସୁଝା କରିଥିଲେ। ପରେ ମହିଳା ଜଣଙ୍କ ଟ୍ରେନ୍ ଆଗରୁ ଧାରଣାରୁ ଉଠିଥିଲେ। ପରେ ଟ୍ରେନ୍ଟି ଷ୍ଟେସନ ଛାଡ଼ିଥିଲା। ପରେ ଅନ୍ୟ ଏକ ଟ୍ରେନରେ ମହିଳାଙ୍କୁ ଯଶବନ୍ତପୁର ପଠାଯାଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
