ଅନୁଗୋଳ (ବିରଜା ପ୍ରସାଦ ଦାଶ): ଅନୁଗୋଳ ଜିଲ୍ଲା କିଶୋରନଗର ଥାନା ଅନ୍ତର୍ଗତ ବାମୁର ନିକଟରେ ସଡ଼କ ଦୁର୍ଘଟଣାରେ ଦୁଇ ଜଣଙ୍କର ମୃତ୍ୟୁ ଘଟିଛି। ମୃତକମାନେ ହେଲେ ମାନସ ରଞ୍ଜନ ପ୍ରଧାନ ଓ ଚନ୍ଦ୍ରକାନ୍ତ ରାଉଳ।
ମାନସଙ୍କ ଘର ଅନୁଗୋଳ ଜିଲ୍ଲା ଜରପଡ଼ା ଥାନା ଅନ୍ତର୍ଗତ ଉଗି ଗାଁରେ। ଚନ୍ଦ୍ରକାନ୍ତଙ୍କ ଘର ବଡ଼କେରା ଥାନା ଅନ୍ତର୍ଗତ ତୁମୁଣି ଗାଁରେ।
ମାନସ ଓ ଚନ୍ଦ୍ରକାନ୍ତ ଗୋଟିଏ ବାଇକ୍ରେ ଆସୁଥିଲେ। ସେମାନେ ଝାରସୁଗୁଡ଼ାରୁ ନିଜ ନିଜ ଗାଁକୁ ଫେରୁଥିଲେ। ଆଜି ଭୋର ପ୍ରାୟ ସାଢ଼େ ଚାରିଟା ସମୟରେ ବାମୁର ନିକଟରେ ୫୫ନମ୍ବର ଜାତୀୟ ରାଜପଥରେ ସେମାନେ ଦୁର୍ଘଟଣାଗ୍ରସ୍ତ ହୋଇଥିଲେ। ତେବେ ସେମାନେ କେମିତି ଦୁର୍ଘଟଣାଗ୍ରସ୍ତ ହେଲେ, ତାହା ସ୍ପଷ୍ଟ ହୋଇନି। କୌଣସି ଗାଡ଼ି ସେମାନଙ୍କୁ ପିଟି ଚାଲି ଯାଇଥିବା ଅନୁମାନ କରାଯାଉଛି।
ପୁଲିସ୍ ଉଭୟଙ୍କୁ ଉଦ୍ଧାର କରି କିଶୋରନଗର ଡାକ୍ତରଖାନାରେ ଭର୍ତ୍ତି କରିଥିଲା। ତେବେ ସେଠାରେ ସେମାନଙ୍କୁ ମୃତ ଘୋଷଣା କରାଯାଇଥିଲା।
ମାନସ ଝାରସୁଗୁଡ଼ାରେ ଡ୍ରାଇଭର ଭାବେ କାର୍ଯ୍ୟ କରୁଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
