କେନ୍ଦୁଝର (ଓଡ଼ିଶା ରିପୋର୍ଟର): ମାସକ ଭିତରେ ପୁଣି ମିଳିଲା ହାତୀ ମୃତଦେହ। ଚମ୍ପୁଆ ରେଞ୍ଜ ବୈତରଣୀ ସଂରକ୍ଷିତ ଜଙ୍ଗଲରୁ ଦୁଇ ହାତୀଙ୍କ ମୃତଦେହ ଉଦ୍ଧାର ହୋଇଛି।
ରବିବାର ସକାଳେ ବନ ବିଭାଗ କର୍ମଚାରୀ ପାଟ୍ରୋଲିଂ କରୁଥିବା ବେଳେ ଗୁରୁବେଡ଼ା ନିକଟରେ ଗୋଟିଏ ମାଇ ଓ ଗୋଟିଏ ଅଣ୍ଡିରା ହାତୀର ମୃତଦେହ ଦେଖିବାକୁ ପାଇଥିଲେ। ତେବେ ହାତୀ ଦୁଇଟିର ଦାନ୍ତ ନଥିବାରୁ ଦାନ୍ତ ପାଇଁ ଏମାନଙ୍କ ହତ୍ୟା କରାଯାଇଥିବା ସନ୍ଦେହ କରାଯାଉଛି।
ଗତମାସରେ ମଧ୍ୟ ଏହି ଅଞ୍ଚଳରେ ଦୁଇଟି ହାତୀଙ୍କ ମୃତଦେହ ଉଦ୍ଧାର କରାଯାଇଥିଲା। ଏମାନଙ୍କର ମଧ୍ୟ ଦାନ୍ତ ନଥିଲା। ତେବେ ମାସକ ମଧ୍ୟରେ ଚାରିଟି ହାତୀଙ୍କ ମୃତଦେହ ମିଳିବା ଓ ସେମାନଙ୍କ ଦାନ୍ତ ନଥିବାରୁ ଅଞ୍ଚଳରେ ହାତୀ ତଷ୍କରଙ୍କ କାର୍ଯ୍ୟକଳାପ ବଢ଼ି ଚାଲିଥିବା ଅନୁମାନ କରାଯାଉଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
