ଜଣେ ମତେ ମାଡ଼ି ବସିଲା, ଇନ୍ଦ୍ରମଣୀ ଆସି ମୋ ଚୁଟି ଘୋଷାରି ମାରିଲା…

<p>ଭୁବନେଶ୍ୱର (ଓଡ଼ିଶା ରିପୋର୍ଟର): &lsquo;ସେମାନେ ମଦ ପିଇକି ଚୁର୍ ଥିଲେ। ମତେ ଅଭଦ୍ର ଭାଷାରେ ଗାଳି ଗୁଲଜ କରିବା ସହ ମାଡ଼ ମାରି ତଳେ ପକାଇ ଦେଲେ। ଜଣେ ମୋ ପ୍ୟାଣ୍ଟ ଓହ୍ଲେଇବାକୁ ଚେଷ୍ଟା କରୁଥିଲା ଓ ଆଉଜଣେ ମୋ ସାର୍ଟ ଓହ୍ଲେଇବାକୁ ଚେଷ୍ଟା କଲା।&rsquo;</p> <p>ତିନି ଦିନ ତଳେ ଅନୁଗୋଳ ଜିଲ୍ଲା କଣିହାଁ ନିକଟ ଡେରଙ୍ଗ ଗାଁରେ ଯାତ୍ରାରେ ଅଭିନୟ କରିବାକୁ ଯାଇଥିବା ସିନେ ଅଭିନେତ୍ରୀ ଉଷସୀ ମିଶ୍ର, ଆଜି କାନ୍ଦି କାନ୍ଦି ସେଦିନର ଭୟଙ୍କର ଘଟଣା ସଂପର୍କରେ ସାମ୍ବାଦିକ ମାନଙ୍କ ଆଗରେ ବର୍ଣ୍ଣନା କରିଛନ୍ତି। କଥା କହୁ କହୁ ସେ କିଛି ସମୟ କାନ୍ଦିଥିଲେ। ତାଙ୍କୁ ତାଙ୍କ ଅନ୍ୟ ଅଭିନେତା ବନ୍ଧୁମାନେ ତୁନି କରିବା ପରେ ସେ ପୁଣି ଥରେ ସେଦିର ଲୋମଟାଙ୍କୁରା ଘଟଣା ସଂପର୍କରେ ବର୍ଣ୍ଣନା କରିଥିଲେ। ସେ କ&rsquo;ଣ କହିଥିଲେ ପୂରା ପଢ଼ନ୍ତୁ।</p> <p>&lt;span style=&quot;color: #ff0000;&quot;&gt;&lt;strong&gt;ଉଷସୀ କହିଲେ...&lt;/strong&gt;&lt;/span&gt;</p> <p>୨୨ ତାରିଖ ରାତି ୯ଟାରେ ଭୁବନେଶ୍ୱରରୁ ଅନୁଗୋଳ ଉଦ୍ଦେଶ୍ୟରେ ବାହାରିଲି। ଡେରିଙ୍ଗିରେ ଯାତ୍ରା କରିବାକୁ। ସେ ଜାଗା ସଂପର୍କରେ ମତେ କୌଣସି ସୂଚନା ଦିଆଯାଇ ନ ଥିଲା। ଗୁଗଲରେ ସର୍ଚ୍ଚ କରି ଦେଖିବାକୁ ଚେଷ୍ଟା କରୁଥିଲି। ସେ ଯାହା ବି ହେଉ, ଯେତେବେଳେ ମୁଁ ସେଠି ପହଞ୍ଚିଲି ସେଠି ବହୁତ ଭିଡ଼ ଥିଲା। ମତେ ଆଉ ଗୋଟେ ବାଟରେ କୁହାଗଲା ଯିବା ପାଇଁ। ସେତେବେଳକୁ ମୁଁ ଜାଣି ସାରିଲିଣି ଯେ, ଗୋଟେ ଜାମ୍ ଭିତରେ ପଶି ଯାଇଛି। ମୋ ଚାରି ପାଖରେ ମୋଟର ସାଇକେଲ ଥିଲା। ଏହି ସମୟରେ ମତେ ଇନ୍ଦ୍ରମଣୀ ସାହୁ ନାମକ ଜଣେ ଲୋକ ବହୁତ ଖରାପ ଭାଷାରେ ଗାଳି ଦେଇ ଯାଉଥାନ୍ତି। ସେତେବେଳକୁ ମତେ ସେ ୪ଥର ଗାଳି ଦେଇକି ଗଲେଣି। ମୁଁ ଚୁପ୍ ରହିବାକୁ ବହୁତ ଚେଷ୍ଟା କଲି। କିନ୍ତୁ ଓଡ଼ିଆରେ ସେ ଏମିତି ଗନ୍ଧିଆ ଭାଷା ବାରମ୍ବାର କହୁଥିଲେ ଯେ, ଯେକୌଣସି ଲୋକର ରକ୍ତ ଗରମ ହେଇଯିବ। ମତେ ଅପମାନିତ କଲେ ମୁଁ କେବେ ଚୁପ୍ ବସେନି। ତେଣୁ ମୁଁ ପ୍ରତିକ୍ରିୟାଶୀଳ ହେଲି। ବାଧ୍ୟ ହୋଇ ତାକୁ ଚାପୁଡ଼ାଏ ମାରିଲି। ସେ ବି ମତେ ମାରିଛି। ଧସ୍ତାଧସ୍ତି ହେଲା। ତା ପରେ ସେ ମୋ ଗୋଡ଼ ଧରିକି କ୍ଷମା ମାଗିକି ପଳେଇଲା।</p> <p>ମୁଁ ଭାବିଲି କଥା ସେଇଠି ସରିଗଲା। କିନ୍ତୁ ମୁଁ ପହଞ୍ଚିକି ମେକପ୍ ରୁମ୍&zwnj;କୁ ଯାଇଛି, ଦେଖିଲାବେଳକୁ କିଏ ଜଣେ ଆସି ଆମ ଡ୍ୟାନ୍ସରମାନଙ୍କୁ ପେଲି ସାରିଲେଣି। ତେଣୁ ବାଧ୍ୟ ହୋଇ ଗୀତ ବନ୍ଦ କରିଦିଆ ଗଲା। ଦେଖିଲା ବେଳକୁ ଦୁଇଟା ପିଲା ଆସିକି ଆମ ମ୍ୟୁଜିକ୍&zwnj; ଷ୍ଟେଜ୍&zwnj;ରେ ତାର ଟଣାଟଣି କରୁଛନ୍ତି। ମୁଁ କଷ୍ଟ୍ୟୁମ୍ ପାଇଁ ଯିବାକୁ ବାହାରିଲା ବେଳକୁ ଦେଖିଲା ବେଳକୁ ସେଇ ଇନ୍ଦ୍ରମଣି ସାହୁ ଓ ତା ଦୁଇ ପୁଅ ଟାଙ୍କିଏ ମଦ ପିଇ ଆସି ଗଣ୍ଡଗୋଳ କରୁଛନ୍ତି। ସେମାନେ ମୋ ଗାଡ଼ିର ଡ୍ରାଇଭରକୁ ବାଡେଇ ତାଠାରୁ ଗାଡ଼ି ନେଇଯାଇଛନ୍ତି। ଭଙ୍ଗାରୁଜା ବି କରିଛନ୍ତି। ମୁଁ ଯେମିତି ସେଠି ଯାଇକି ପହଞ୍ଚିଲି, &lt;span style=&quot;color: #ff0000;&quot;&gt;ସେମାନେ କହିଲେ ମତେ ପବ୍ଲିକ୍&zwnj;ରେ ଲଙ୍ଗଳା କରିଦେବେ, ରେପ୍ କରିବେ ଓ ଗୁଳି ମାରିବେ। ଏତିକି ଭିତରେ ମତେ ଗୋଟେ ଲୋକ ଆସିକି ମାଡ଼ି ବସିଲା। ଇନ୍ଦ୍ରମଣି ସାହୁକୁ ମୌକା ମିଳିଗଲା, ସେ ହିଁ ମୋ ଚୁଟି ଟଣାଟଣି କରିଛି। ବାଡ଼ାବାଡ଼ି ଭିତରେ ତା ପୁଅମାନେ ଆସିକି ମତେ ତଳେ ପକେଇ ଦେଲେ। ଜଣେ ମୋ ସାର୍ଟ ଚିରି ଦେବାକୁ ଚେଷ୍ଟା କରୁଥିଲା, ଜଣେ ମୋ ପ୍ୟାଣ୍ଟ ଓହ୍ଲେଇ ଦେବାକୁ ଚେଷ୍ଟା କରୁଥିଲା।&lt;/span&gt; ମୁଁ ସେ ମୁହୂର୍ତ୍ତରେ କ&rsquo;ଣ କରିବି ଜାଣି ପାରିଲି ନାହିଁ। ମୋର ଯେତେ ବଳ ଥିଲା ମୁଁ ତାଙ୍କୁ ଗୋଇଠା ମାରିଲି। ତା ପରେ ଜଣେ ଲୋକକୁ କହିଲି ମତେ ଠିଆ କରିଦେ। ସେ ଠିଆ କରିଦେବା ପରେ ମୁଁ ସେମାନଙ୍କୁ ବାଡ଼େଇଲି।</p> <p>ଶେଷରେ ଉଷସୀ ପ୍ରଶ୍ନ କରିଛନ୍ତି- ଜଣେ ମହିଳା ହିସାବରେ, ଜଣେ କଳାକାର ଭାବରେ, ଜଣେ ଭାରତୀୟ ନାଗରିକ ହିସାବରେ ମୋର କୋଉଠି ଭୁଲ୍ ରହିଲା। ଜଣେ ଆସିକି ମତେ ଅପମାନିତ କରିବ, ମୁଁ କଣ ଚୁଡ଼ି ପନ୍ଧିଛି ବୋଲି ଚୁପ୍ ରହିଥାନ୍ତି।</p>