ଭିଜିଲାନ୍ସ ଜାଲରେ ଡିଏଫ୍‌ଓ; ଲକ୍ଷେ ଟଙ୍କା ଜବତ

ଭୁବନେଶ୍ୱର: ବରଗଡ଼ ଡିଏଫ୍‌ଓ ସୋଲାରାମ ମାରାଣ୍ଡିଙ୍କଠାରୁ ଆଜି ଭିଜିଲାନ୍ସ ୧ ଲକ୍ଷ ୭୫୦ ଟଙ୍କା ଜବତ କରିଛି। ସେ ବସ୍‌ରେ ନିଜ ଘର ମୟୂରଭଞ୍ଜ ଭାଗବନ୍ଧ ଗାଁକୁ ଯାଉଥିବା ବେଳେ କେନ୍ଦୁଝର ଜିଲ୍ଲା ଜୁଡିଆଘାଟିରୁ ଭିଜିଲାନ୍ସ ତାଙ୍କଠାରୁ ଏହି ଟଙ୍କା ଜବତ କରିଥିଲା। ତେବେ ଜବତ ଟଙ୍କାର ହିସାବ ଦେଇପାରି ନ ଥିବାରୁ ତାଙ୍କୁ ଭିଜିଲାନ୍ସ ଅଟକ ପଚରା ଉଚରା ଚଳାଇଛି। ଅନ୍ୟପକ୍ଷରେ ଭିଜିଲାନ୍ସର ୩ଟି ଟିମ୍‌ ତାଙ୍କ ବରଗଡ଼ ଅଫିସ୍‌, ମୟୂରଭଞ୍ଜ ଓ ଭୁବନେଶ୍ୱର ଘରେ ଚଢ଼ାଉ ଜାରି ରଖିଛି। ଚଢ଼ାଉ ସମୟରେ ବହୁ ଗୁରୁତ୍ୱପୂର୍ଣ୍ଣ କାଗଜପତ୍ର ଜବତ କରିଥିବା ଜଣାପଡ଼ିଛି।