ବ୍ରହ୍ମପୁର(ଜଗନ୍ନାଥ ସାହୁ): ପୂର୍ବରୁ କେବେ ଦେଖା, ସାକ୍ଷାତ କି ପରିଚୟ ଦିଆନିଆ ହୋଇ ନ ଥିଲା। ଏହାସତ୍ତ୍ୱେ ଜଣେ ମହିଳାଙ୍କୁ ବାରମ୍ବାର ଫୋନ କରି ହଇରାଣ କରୁଥିଲେ ଯୁବକଜଣକ । ହେଲେ ମହିଳାଜଣକ ଯୁବକଙ୍କ ଜାଲରେ ନ ଫସିବାରୁ ଶେଷରେ ସାହସ ଜୁଟାଇ ଛେନାପୋଡ଼ ଧରି ତାଙ୍କ ଘରକୁ ଆସିଥିଲେ। ହେଲେ ଯୁବକଜଣଙ୍କୁ ଚିହ୍ନି ନ ଥିବା ମହିଳା କହିଥିଲେ । ଶେଷରେ ଗାଁ ଲୋକେ ଏକ ଗଛରେ ବାନ୍ଧି ତାଙ୍କୁ ନିର୍ଧୂମ ଛେଚିଛନ୍ତି। ଏହି ଘଟଣାଟି ଗଂଜାମ ଜିଲ୍ଲା ପାଟପୁର ଥାନା ଜଗନ୍ନାଥପୁର ଅଞ୍ଚଳର ବୋଲି ଜଣାପଡିଛି। ହେଲେ ଉଭୟ ପକ୍ଷ ତରଫରୁ ଏନେଇ ଥାନାରେ କୌଣସି ଅଭିଯୋଗ ହୋଇନାହିଁ।
ସୂଚନା ଯୋଗ୍ୟ, ଗତକାଲି ଅପରାହ୍ନ ସମୟରେ ଯୁବକଜଣକ ସମ୍ପୃକ୍ତ ଗାଁର ଜଣେ ମହିଳାଙ୍କ ଘରେ ପଶିବାକୁ ଚେଷ୍ଟା କରୁଥିଲେ । ଜଣେ ଅଚିହ୍ନା ଯୁବକଙ୍କୁ ଦେଖି ଗାଁ ଲୋକେ କାବୁ କରି ପଚରାଉଚାରା କରିଥିଲେ। ଏଥିସହ ସାଙ୍ଗରେ ମିଠା କାହା ପାଇଁ ଆଣିଛ ବୋଲି ତାଙ୍କୁ ପଚାରିଥିଲେ। କିନ୍ତୁ ଯୁବକଜଣଙ୍କ କୌଣସି ସନ୍ତୋଷଜନକ ଉତ୍ତର ଦେଇ ପାରି ନ ଥିଲେ।
ପରେ ଖୋଳତାଡ଼ କରିବାରୁ ସମ୍ପୃକ୍ତ ଯୁବକଜଣକ ଉକ୍ତ ଗ୍ରାମର ଜଣେ ମହିଳାଙ୍କୁ ବାରମ୍ବାର ଫୋନ କରି ହଇରାଣ କରୁଥିବା ଜଣାପଡ଼ିଥିଲା। ଫଳରେ ଗ୍ରାମବାସୀ ତାଙ୍କୁ ଏକ ଗଛରେ ବାନ୍ଧିବା ସହ ନିର୍ଧୂମ ଛେଚିଥିଲେ। ଫଳରେ ଯୁବକଜଣକ ରକ୍ତାକ୍ତ ଅବସ୍ଥା ହୋଇଯିବାରୁ ତାଙ୍କୁ ଛାଡ଼ି ଦେଇଥିଲେ। ଏନେଇ ଥାନାରେ ଉଭୟ ପକ୍ଷ କୌଣସି ଅଭିଯୋଗ କରି ନାହାନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
