ସରପଞ୍ଚଙ୍କ ମନମୁଖୀ କାର୍ଯ୍ୟକୁ ବିରୋଧ: ନିର୍ମାଣାଧୀନ ପଞ୍ଚାୟତ ଘରକୁ ଭାଙ୍ଗିଲେ ଲୋକେ

ନବରଙ୍ଗପୁର(ଓଡ଼ିଶା ରିପୋର୍ଟର):ନବରଙ୍ଗପୁର ଜିଲ୍ଲା ଗାଦବାଗୁଡ଼ାରେ ନିର୍ମାଣାଧୀନ ପଞ୍ଚାୟତ ଘରକୁ ଭାଙ୍ଗିଲେ ଗ୍ରାମବାସୀ। ସରପଞ୍ଚଙ୍କ ମନମୁଖୀ କାର୍ଯ୍ୟକୁ ବିରୋଧ କରି ଗ୍ରାମବାସୀମାନେ ଘରକୁ ଭଙ୍ଗାରୁଜା କରିଛନ୍ତି।

ଅଭିଯୋଗ ଅନୁସାରେ, ଗାଦବାଗୁଡ଼ାରେ ପଞ୍ଚାୟତ ଅଫିସ୍‌ ନିର୍ମାଣ ଲାଗି ଗ୍ରାମବାସୀମାନେ ଅଡ଼ି ବସିଥିଲେ। ହେଲେ ସରପଞ୍ଚ ରାଜନୀତି କରି ଜଣେ ଗରିବ ଖଟିଖିଆଙ୍କ ଜମିରେ ପଞ୍ଚାୟତ ଅଫିସ ନିର୍ମାଣ କରୁଥିଲେ। ଏନେଇ ଲୋକେ ବାରଣ କରିବା ସତ୍ତ୍ୱେ ନିର୍ମାଣ କାର୍ଯ୍ୟ କରାଯାଉଥିବାରୁ ଏହାକୁ ବିରୋଧ କରି ପଞ୍ଚାୟତ ଘରକୁ ଭଙ୍ଗାରୁଜା କରିଥିଲେ।

ଜିଲ୍ଲା ପ୍ରଶାସନ ଓ ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରିଥିଲେ। ହେଲେ ନିଜ ଗାଁରେ ପଞ୍ଚାୟତ ଅଫିସ ନିର୍ମାଣ କରିକୁ ଗ୍ରାମବାସୀମାନେ ଅଡ଼ି ବସିଥିଲେ।