ଅଭିନୟ ଛାଡ଼ି ଟିଭି ରିପୋର୍ଟର ହେଲେ ଓଲିଉଡ୍ ନାୟିକା!

<p>[vc_video link=&quot;&quot; align=&quot;center&quot;]</p> <p>ଭୁବନେଶ୍ୱର: ଅଭିନେତ୍ରୀରୁ ଟିଭି ରିପୋର୍ଟର ପାଲଟିଲେ ଓଲିଉଡ୍&zwnj; ନୂଆ ନାୟିକା ଭୂମିକା। ଖବରଟା ଶୁଣି ଆପଣ ଅବିଶ୍ୱାସ କରୁଥିବେ। କାରଣ ଏବେ ଏବେ ତ ଅଭିନୟ ଦୁନିଆକୁ ଆସିଥିଲେ ଭୂମିକା। ହଠାତ୍ କଳା ଜଗତ ଛାଡ଼ି ଖବର ଦୁନିଆକୁ କାହିଁକି ଚାଲିଗଲେ। କିନ୍ତୁ ଖବର ନେବାପରେ ଜଣାପଡ଼ିଲା ଯେ କଥା କିଛି ଅଲଗା।</p> <p>ବେକରେ ପ୍ରେସ୍ କାର୍ଡ ଓ ହାତରେ ବୁମ୍। ନିଉଜ୍&zwnj; କଭର କରିବାରେ ଲାଗିଛନ୍ତି ଅଭିନେତ୍ରୀ ଭୂମିକା। ଓକିଲଙ୍କ ପଛରେ ଧାଇଁ ଧାଇଁ ପ୍ରଶ୍ନ କରୁଛନ୍ତି। ଏଠି ପ୍ରଶ୍ନ ଉଠେ ନାୟିକା କାହିଁକି ହେଲେ ରିପୋର୍ଟର। ବାସ୍ତବରେ ଆଗକୁ ଆସୁଛି ନୂଆ ଫିଲ୍ମ ହିରୋ ନଂ-୧। ଯେଉଁଥିରେ ଭୂମିକା ବନିଛନ୍ତି ଏକ ଟିଭି ଚ୍ୟାନେଲ୍&zwnj;ର ରିପୋର୍ଟର। ତରଙ୍ଗ ସିନେ ପ୍ରଡକ୍ସନ୍ସ ବ୍ୟାନରରେ ତିଆରି ଚାଲିଥିବା ଏହି ଫିଲ୍ମର ଶୁଭ ମହୁରତ ସପ୍ତାହେ ତଳେ ଅନୁଷ୍ଠିତ ହୋଇଥିଲା। ଆସନ୍ତା ଦଶହରାରେ ଏହା ରିଲିଜ୍ ହେବାକୁ ଥିବାରୁ ନିର୍ମାଣକାରୀ ସଂସ୍ଥା ଏହାର ସୁଟିଂ ଯୁଦ୍ଧକାଳୀନ ଭିତ୍ତିରେ ଚଳାଇଛି।</p> <p>ଫିଲ୍ମରେ ଏହି ଚରିତ୍ର ବିଷୟରେ ଭୂମିକା କହିଛନ୍ତି- ମୁଁ ଅଭିନୟ କରିଥିବା ତରଙ୍ଗ ସିନେ ପ୍ରଡକ୍ସନ୍ସର ପ୍ରଥମ ଫିଲ୍ମରେ ମୁଁ ଗୋଟେ ଇନୋସେଣ୍ଟ ଝିଅ ଥିଲି। କିନ୍ତୁ ଏଥିରେ ସାମ୍ୱାଦିକ। ଓଡ଼ିଆ ଶବ୍ଦ ସବୁ ସ୍ପଷ୍ଟ ଭାବେ କହିବାକୁ ପଡୁଛି। ଏଥିପାଇଁ ଏ କ୍ୟାରାକ୍ଟର ମୋ ପାଇଁ ଟିକେ ଟଫ୍ ହୋଇଯାଉଛି। କିନ୍ତୁ ଏହା ଚ୍ୟାଲେଂଜିଂ।</p> <p>ଏହି ଫିଲ୍ମ ପାଇଁ ଭୂମିକାଙ୍କୁ ମିଳିଛି ଜଣେ ସାମ୍ୱାଦିକାର ଚରିତ୍ର। ସେଥିପାଇଁ ସେ ନେଇଛନ୍ତି କମ୍ ମେକଅପ୍ ଓ ପୋଷାକ ବି ସାଧାସିଧା। ମାନେ ଜର୍ଣ୍ଣାଲିଷ୍ଟ ପରି ବା କର୍ପୋରେଟ ଷ୍ଟାଇଲ୍। ଓକିଲ ଚରିତ୍ରରେ ଅଭିନୟ କରିଛନ୍ତି ନ୍ୟୁଜ୍ ଫ୍ୟୁଜ୍ ଫେମ୍ କୁନା ତ୍ରିପାଠୀ। ଫିଲ୍ମଟିର ନିଦ୍ଦେର୍ଶନା ଦେଉଛନ୍ତି ତାପସ ସରଘରିଆ। ଏଥିରେ ଲିଡ୍ ରୋଲରେ ଆସିବେ ବାବୁସାନ। ତାଙ୍କୁ ଏଥିରେ ଏକ ଭିନ୍ନ ଅନ୍ଦାଜରେ ଦେଖିବାକୁ ମିଳିବ। ଲଭ୍, ରୋମାନ୍ସ ଓ ଟ୍ୱିଷ୍ଟରେ ଭରା ଏହି ଫିଲ୍ମଟି ଦଶହରାରେ ରିଲିଜ ହେବାକୁ ଯାଉଛି।</p>