ଭୁବନେଶ୍ୱର (ଓଡ଼ିଶା ରିପୋର୍ଟର): କେନ୍ଦ୍ର ସରକାରଙ୍କ ତରଫରୁ ଅନଲକ୍-୫ ପାଇଁ ଗାଇଡଲାଇନ୍ ଜାରି ହୋଇସାରିଛି। ଏହି ଗାଇଡଲାଇନରେ କେନ୍ଦ୍ର ସରକାର ୫୦ ପ୍ରତିଶତ ଦର୍ଶକଙ୍କ କ୍ଷମତାରେ ସିନେମା ହଲ୍ ଓ ଥିଏଟର ଖୋଲିବାକୁ ଅନୁମତି ଦେଇଛନ୍ତି। କିନ୍ତୁ ରାଜ୍ୟ ସରକାର ଗତକାଲି ଯେଉଁ ଗାଇଡ୍ ଲାଇନ୍ ଜାରି କରିଛନ୍ତି, ସେଥିରେ ନିରାଶ ହୋଇଛନ୍ତି ସିନେମା ହଲ୍ ମାଲିକ।
କେବଳ ହଲ୍ ମାଲିକ ନୁହନ୍ତି, ସିନେ ଶିଳ୍ପ ସହ ଜଡ଼ିତ ସମସ୍ତ ଲୋକ ନିରାଶ ହୋଇଛନ୍ତି। କରୋନା ପାଇଁ ମାର୍ଚ୍ଚରୁ ସିନେମା ହଲ୍ ଖୋଲି ନାହିଁ। ତେବେ ସିନେମା ହଲ୍ ଓ ଥିଏଟର କେବେ ଖୋଲିବ, ସେ ଖବର ବି କାହା ପାଖରେ ନାହିଁ।
ଅନଲକ୍ ୫ରେ ଅକ୍ଟୋବର ୧୫ରୁ କଟକଣା ସହ ସିନେମା ହଲ୍ ଖୋଲିବାକୁ କେନ୍ଦ୍ରର ଅନୁମତି ପରେ ମାଲିକ କର୍ମଚାରୀଙ୍କ ଆଶା ଥିଲା ଯେ ରାଜ୍ୟ ସରକାର ମଧ୍ୟ ଏଥିରେ ହଁ କରିବେ। ହେଲେ ରାଜ୍ୟ ସରକାରଙ୍କ ଅକ୍ଟୋବର ଗାଇଡ୍ ଲାଇନ୍ ଯୋଗୁଁ ପୂଜା ବଜାର ବି ମା଼ଡ଼ ଖାଇବ। ସବୁ ଖୋଲୁଥିଲା ବେଳେ ୫୦ ପ୍ରତିଶତ କ୍ଷମତାରେ ହଲ୍ ଖୋଲିବାରେ ଅସୁବିଧା କେଉଁଠି ବୋଲି ପ୍ରଶ୍ନ କରିଛନ୍ତି ସିନେମା ହଲ୍ ମାଲିକ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
