କାହିଁକି ଭିତର ଭଣ୍ଡାରକୁ ଗଲେନି ଯାଞ୍ଚକାରୀ ? ପଢ଼ନ୍ତୁ କ’ଣ କହୁଛନ୍ତି ଶ୍ରୀମନ୍ଦିର ମୁଖ୍ୟ ପ୍ରଶାସକ

<p>ପୁରୀ (ଓଡ଼ିଶା ରିପୋର୍ଟର): ଆଜି ଶ୍ରୀ ଜଗନ୍ନାଥଙ୍କ ରତ୍ନଭଣ୍ଡାରର ଯାଞ୍ଚ ପ୍ରକ୍ରିୟା ଶେଷ ହୋଇଛି। ପୂର୍ବ ଆଶଙ୍କା ଅନୁସାରେ ରତ୍ନଭଣ୍ଡାର କାନ୍ଥ ଓ ଛାତ ଦୁର୍ବଳ ଥିବା ଜଣାପଡିଛି। ଯାଞ୍ଚକାରୀ ଦଳ କାନ୍ଥ ଓ ଛାତରେ ହାତମାରି ଦେଖିଥିଲେ। ଏହା ଓଦା ଲାଗିଥିଲା। ଯାଞ୍ଚକାରୀ ଦଳ ରତ୍ନଭଣ୍ଡାରରୁ ବାହାରକୁ ଆସିବା ପରେ ଶ୍ରୀମନ୍ଦିର ମୁଖ୍ୟ ପ୍ରଶସକ ପ୍ରଦୀପ ଜେନା ଏହି ସୂଚନା ଦେଇଛନ୍ତି।</p><p>ସେ କହିଛନ୍ତି, &ldquo;ଦିନ ୨ଟା ୩୦ ମଧ୍ୟରେ ପ୍ରାଧିକୃତ ସଦସ୍ୟମାନେ ଯାଇଥିଲେ। ଆବଶ୍ୟକ ଯାଞ୍ଚ ପରେ ସଦସ୍ୟମାନେ ଭିତରକୁ ପ୍ରବେଶ କରିଥିଲେ। ଗଜପତିଙ୍କ ପ୍ରତିନିଧି, ନୀତି ପ୍ରଶାସକ, ଭଣ୍ଡାର ମେକାପ ଭଣ୍ଡାର ଘରର ତାଲା ଖୋଲିଥିଲେ। ଏହାପରେ ପ୍ରାଧିକୃତ ସଦସ୍ୟମାନେ ବାହାର ଭଣ୍ଡାରରେ ପ୍ରବେଶ କରି ସର୍ଚ୍ଚ ଲାଇଟରେ ଦେଖିଲେ।&rdquo;</p><p>ସେ କହିଛନ୍ତି, &ldquo;ବାହାର ଭଣ୍ଡାର ଭିତରେ ପ୍ରବଳ ଅଳନ୍ଧୁ ଥିଲା। ଝାଡ଼ୁ ମଗାଇ ସବୁ ସଫା କରାଗଲା। ପ୍ରାଧିକୃତ ସଦସ୍ୟମାନେ କାନ୍ଥ, ଛାତକୁ ହାତ ଲଗାଇ ଦେଖିଥିଲେ, କାନ୍ଥ ଓଦା ଥିଲା।&rdquo;</p><p>ଭିତର ଭଣ୍ଡାରକୁ ଯାଞ୍ଚକାରୀ ଦଳ ନଯିବା ସମ୍ପର୍କରେ ଜେନା କହିଛନ୍ତି, &ldquo;ବାହାର ରତ୍ନଭଣ୍ଡାରରୁ ଭିତର ଭଣ୍ଡାର ଦେଖି ହେଉଥିଲା। ଦୁଇ ଭଣ୍ଡାର ଭିତରେ ଥିବା ଜାଲିରେ ଭିତର ଭଣ୍ଡାରର କାନ୍ଥ, ଛାତ ସବୁ ସ୍ପଷ୍ଟ ଭାବେ ଦେଖି ହେଉଥିଲା। ସର୍ଚ୍ଚ ଲାଇଟ ଯୋଗେ ଇଂଜିନିୟରମାନେ ସବୁ ଯାଞ୍ଚ କରିଥିଲେ। ଜାଲି ବାଟେ କାନ୍ଥ, ଛାତ ଅନୁଧ୍ୟାନ କରି ହେଉଥିବାରୁ ଭିତରକୁ ଯିବା ଆବଶ୍ୟକ ହେଲାନି।&rdquo;</p><p>କୋର କମିଟି ସଦସ୍ୟ ଓ ଏଏସ୍ଆଇ ଯାଞ୍ଚର ବିସ୍ତୃତ ରିପୋର୍ଟ ଦେବ। ସମସ୍ତ ରିପୋର୍ଟ ୫ ତାରିଖରେ ହାଇକୋର୍ଟଙ୍କୁ ଦିଆଯିବ ବୋଲି ଜେନା କହିଛନ୍ତି।</p><p>କୋର କମିଟି ସଦସ୍ୟ ଜିସି ମିତ୍ର ଆହତ ହୋଇ ନଥିବା ଜେନା ସ୍ପଷ୍ଟ କରିଛନ୍ତି।</p><p>ସୂଚନାଯୋଗ୍ୟ, ରତ୍ନ ଭଣ୍ଡାର ଭିତରକୁ ଯିବାକୁ ୧୭ ଜଣଙ୍କ ତାଲିକା ହୋଇଥିଲା। କେବଳ ପୁରୀ ଏସ୍&zwnj;ପି ଭିତରକୁ ଯାଇ ନଥିଲେ। ସେ ଗାମୁଛା ପିନ୍ଧି ନଥିବାରୁ ରତ୍ନଭଣ୍ଡାର ଭିତରକୁ ଗଲେନାହିଁ। ପୂରା ତାଲିକା ନିମ୍ନରେ ଦିଆଗଲା।</p><p>୧: ଦେଉଳ କରଣ ଚନ୍ଦ୍ରଶେଖର ମଙ୍ଗରାଜ, ୨: ତଡ଼ଉ କରଣ ହିମାଂଶୁ ପଟ୍ଟନାୟକ, ୩: ଛତିଶା ନିଯୋଗ ମହାନାୟକ ଜନାର୍ଦ୍ଦନ ପାଟ୍ଟଯୋଶୀ, ୪: ଭଣ୍ଡାର ମେକାପ ଗଣେଶ ମେକାପ, ୫: ଗଜପତିଙ୍କ ପ୍ରତିନିଧି ଅମିୟ ମହାନ୍ତି, ୬: ହାଇକୋର୍ଟଙ୍କ ପ୍ରତିନିଧି ଏନ.କେ ମହାନ୍ତି, ୭: ପୁରୀ ଜିଲ୍ଲାପାଳ ଅରବିନ୍ଦ ଅଗ୍ରୱାଲ, ୮: ଏସ୍&zwnj;ପି ସାର୍ଥକ ଷଡଙ୍ଗୀ, ୯: ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ କୁମାର ଜେନା, ୧୦: ନୀତି ପ୍ରଶାସକ ପ୍ରଦୀପ ଦାଶ, ୧୧: ASIର ପ୍ରତିନିଧି ସୁପରିଣ୍ଡେଣ୍ଟ ଆର୍କିଓଲୋଜି ଏଚ୍&zwnj;.ଏ.ନାୟକ, ୧୨: ASI ପ୍ରତିନିଧି ଡେପୁଟି ସୁପରିଣ୍ଡେଣ୍ଟ ତପନ କୁମାର ଭଟ୍ଟାଚର୍ଯ୍ୟ, ୧୩: ବରିଷ୍ଠ କଞ୍ଜର୍ଭେସନ ଆସିଷ୍ଟାଣ୍ଟ ଚିତ୍ତରଞ୍ଜନ ଦାସ, ୧୪: କୋର କମିଟି ସଦସ୍ୟ ଜି.ସି.ମିତ୍ର, ୧୫: କୋର କମିଟି ସଦସ୍ୟ ଏନ.ସି. ପାଲ, ୧୬: ରତ୍ନଭଣ୍ଡାର ସବ୍&zwnj;କମିଟି ସଦସ୍ୟ&nbsp; ରାମଚନ୍ଦ୍ର ଦାସ ମହାପାତ୍ର, ୧୭: ରତ୍ନଭଣ୍ଡାର ସବ୍&zwnj;କମିଟି ସଦସ୍ୟ ଅନନ୍ତ ତିଆଡି</p><p>&lt;span style=&quot;color: #ff0000;&quot;&gt;କେମିତି ଥିଲା ରତ୍ନଭଣ୍ଡାରରେ ପ୍ରବେଶ ପୂର୍ବର ପ୍ରସ୍ତୁତି&lt;/span&gt;</p><p>୩୪ ବର୍ଷର ବ୍ୟବଧାନ ପରେ ଆଜି ଖୋଲା ଯାଇଥିବା ରତ୍ନଭଣ୍ଡାର। ଯାଞ୍ଚକାରୀ ଟିମ୍&zwnj;ର ସଦସ୍ୟମାନେ ୪୫ ମିନିଟ୍ ଧରି ୨ଟି ବାହାର ଭଣ୍ଡାର ଯାଞ୍ଚ କରିଥିଲେ। ସେଠାରୁ ଭିତର ଭଣ୍ଡାରକୁ ସର୍ଚ୍ଚ ଲାଇଟ୍ ଯୋଗେ ନିରୀକ୍ଷଣ କରିଥିଲେ ବିଶେଷଜ୍ଞ। ପୁରୀ ଏସ୍&zwnj;ପିଙ୍କୁ ଛାଡି ୧୬ ଜଣ ପ୍ରାଧିକୃତ ଯାଞ୍ଚ କମିଟି ସଦସ୍ୟ ଭିତରକୁ ଯାଇଥିଲେ। ଅଗ୍ନିଶମ, ଓସ୍ଡ଼ମା ଓ ସ୍ନେକ ହେଲ୍ପଲାଇନର ସଦସ୍ୟ ମେଟାଲ୍ ଡିଟେର, ଅକ୍ସିଜେନ୍ ସିଲିଣ୍ଡର, ସର୍ଚ୍ଚ ଲାଇଟ ଆଦି ସରଞ୍ଜାମ ଧରି ମୁକ୍ତିମଣ୍ଡପରେ ଜଗି ରହିଥିଲେ।</p><p>ଶ୍ରୀମନ୍ଦିର ପ୍ରବେଶ ପୂର୍ବରୁ ଶ୍ରୀମନ୍ଦିର ମୁଖ୍ୟ ପ୍ରଶାସକଙ୍କ କାର୍ଯ୍ୟାଳୟରେ ଏକ ଗୁରୁତ୍ୱପୂର୍ଣ୍ଣ ବୈଠକ ବସିଥିଲା। ବୈଠକରେ ମୁଖ୍ୟ ପ୍ରଶାସକ, ନୀତି ପ୍ରଶାସକ, ଜିଲ୍ଲାପାଳ, ଏସ୍&zwnj;ପି, ଦେଉଳ କରଣ, ତଡ଼ଉ କରଣ, ଭଣ୍ଡାର ମେକାପ ଏବଂ ରତ୍ନଭଣ୍ଡାର ସବ୍ କମିଟି ସଦସ୍ୟଙ୍କୁ ରତ୍ନଭଣ୍ଡାର ଖୋଲା ପ୍ରଣାଳୀ ଉପରେ ଅବଗତ କରାଯାଇଥିଲା। ଏହାପରେ ସମସ୍ତ ସଦସ୍ୟ ବାଇଶି ପାହାଚ ଦେଇ ଯାଇଥିଲେ ଏବଂ ପରେ ଗାମୁଛା ପିନ୍ଧି ରତ୍ନଭଣ୍ଡାରକୁ ପ୍ରବେଶ କରିଥିଲେ। ତାପୂର୍ବରୁ ରତ୍ନଭଣ୍ଡାର ଭିତରେ ଯାହା ଦେଖିବେ, ସେ ସମ୍ପର୍କରେ କୌଣସି ସ୍ଥାନରେ ପ୍ରଘଟ ନ କରିବା ପାଇଁ ଶ୍ରୀଲୋକନାଥଙ୍କ ଠାରେ ଶପଥପାଠ କରିଥିଲେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।