ଭୁବନେଶ୍ୱର(ଓଡ଼ିଶା ରିପୋର୍ଟର): ରାଜଧାନୀ ଭୁବନେଶ୍ୱରରୁ ଧରାପଡ଼ିଛି ଜଣେ ମହିଳା ବ୍ରାଉନସୁଗର ବେପାରୀ। ଏହି ମାମଲାରେ କମିଶନରେଟ୍ ପୁଲିସର କୁଇକ୍ ଆକ୍ସନ୍ ଟିମ୍ ଓ ଲକ୍ଷ୍ମୀସାଗର ଥାନା ପୁଲିସ ଆଜି ଜଣେ ମହିଳାଙ୍କୁ ଗିରଫ କରିଛି। ବ୍ରାଉନସୁଗାର କାରବାରର ହବ୍ ଭାବେ ଜଣାଶୁଣା ହଳଦିପଡ଼ିଆରୁ ପୁଲିସ ୧୯ ଗ୍ରାମ ବ୍ରାଉନସୁଗର ଜବତ କରିଛି। ଯାହାର ଆନୁମାନିକ ମୂଲ୍ୟ ପ୍ରାୟ ୨ ଲକ୍ଷ ଟଙ୍କା ହେବ।
ବ୍ରାଉନ୍ସୁଗର କାରବାର ଅଭିଯୋଗରେ ପୁଲିସ ଗିରଫ କରିଥିବା ମହିଳାଙ୍କ ନାଁ ହେଉଛି କୁନିଂ ସିଂହ। ତାଙ୍କ ଘର ହଳଦିପଡ଼ିଆରେ। ତାଙ୍କ ନିକଟରୁ ପୁଲିସ ନଗଦ ୯୦୦ ଟଙ୍କା ଓ ଗୋଟିଏ ମୋବାଇଲ ଫୋନ ଜବତ କରିଛି। ଏହି କାରବାରରେ କେବଳ କୁନି ନୁହନ୍ତି, ତାଙ୍କ ଭଳି ଏକାଧିକ ମହିଳା ଓ ଯୁବତୀ ସାମିଲ୍ ଥିବା ଜଣାପଡ଼ିଛି। ବାଲେଶ୍ୱର, ଜଳେଶ୍ୱର, କୋଲକତା ଆଦି ସ୍ଥାନରୁ ବ୍ରାଉନସୁଗର ଆଣି ଏଠି ବିକ୍ରି କରାଯାଏ ବୋଲି ପୁଲିସ ଜାଣିବାକୁ ପାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
