ଧର୍ମଗଡ଼(ଇଙ୍ଗିତ ପଣ୍ଡା): ମହାପ୍ରଭୁଙ୍କ ରଥଯାତ୍ରା ଦେଖିବାକୁ ବାଇକ୍ରେ ଯାଉଥିଲେ ପୂରା ପରିବାର। ହେଲେ ଅଧା ରାସ୍ତାରେ ପିଟିଦେଲା ପୁଲିସ୍ ଗାଡ଼ି। ଚାଲିଗଲା ମହିଳାଙ୍କ ଜୀବନ। ବାପ ଓ ଝିଅଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଭବାନୀପାଟଣା ଚିକିତ୍ସାଳୟରେ ଭର୍ତ୍ତି କରାଯାଇଛି।
ଆମପାଣି ପଞ୍ଚାୟତ କନ୍ଦାଗଡ଼ ଗାଁର କୃଷ୍ଣଚନ୍ଦ୍ର ମାଝୀ, ତାଙ୍କ ସ୍ତ୍ରୀ କିଆଁ ମାଝୀ ଓ ୧୦ ବର୍ଷର ଝିଅ ନମିତା ବାଇକ୍ରେ ବଡ଼ ଝିଅ ଶାଶୁ ଘର ଭୁର୍ଷାଗୁଡାକୁ ଯାଉଥିଲେ। ତେବେ ବିଜୁ ଏକ୍ସପ୍ରେସ୍ ୱେ’ର ଭୁର୍ଷାଗୁଡା ନିକଟରେ ବିପରୀତ ଦିଗରୁ ଆସୁଥିବା ଆମପାଣି ଥାନା ପୁଲିସ୍ ଗାଡି ସେମାନଙ୍କ ବାଇକ୍କୁ ଧକ୍କା ଦେଇଥିଲା। ଫଳରେ ସମସ୍ତେ ଛିଟିକି ହୋଇ ରାସ୍ତା ପାର୍ଶ୍ୱରେ ପଡ଼ିଥିଲେ।
ଦୁର୍ଘଟଣା ଘଟାଇଥିବା ପୁଲିସ୍ ଗାଡ଼ିରେ ଆହତ ୩ ଜଣଙ୍କୁ ଉଦ୍ଧାର କରି କୋକସରା ହସ୍ପିଟାଲରେ ଭର୍ତ୍ତି କରିଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ କିଆଁ ମାଝୀଙ୍କ ମୃତ୍ୟୁ ଘଟିଥିଲା। ବାପ-ଝିଅଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଜିଲ୍ଲା ମୁଖ୍ୟ ଚିକିତ୍ସାଳୟ ଭବାନୀପାଟଣାକୁ ସ୍ଥାନାନ୍ତରିତ କରାଯାଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
