ସୋର(ଓଡ଼ିଶା ରିପୋର୍ଟର):ପୂର୍ବ ଶତ୍ରୁତାକୁ କେନ୍ଦ୍ର କରି ଯୁବକର ବର୍ବର ଆକ୍ରମଣ। ଯୁବକର କଟୁରୀ ଚୋଟରେ ମା’, ଦୁଇ ଝିଅ ଓ ଜ୍ୱାଇଁ ଗୁରୁତର ହୋଇଛନ୍ତି। ବାଲେଶ୍ଵର ଜିଲ୍ଲା ଖଇରା ଥାନା ଗେଙ୍ଗୁଟିଆ ଶାସନ ଗ୍ରାମରେ ଏହି ଘଟଣା ଘଟିଛି। ସେମାନଙ୍କୁ ଖଇରା ମେଡିକାଲରେ ଭର୍ତ୍ତି କରାଯାଇଛି।
ଶାସନ ଗ୍ରାମରେ ବାଦଲ ଉପାଧ୍ୟାୟ ଓ ସଦାଶିବ ପାଢ଼ୀଙ୍କ ମଧ୍ୟରେ ଦୀର୍ଘ ଦିନ ଧରି ଜମିବାଡ଼ି ବିବାଦ ଲାଗିରହିଥିଲା । ତାକୁ କେନ୍ଦ୍ର କରି ଆଜି ବାଦଲ ଓ ସଦାଶିବ ପାଢ଼ୀଙ୍କ ସ୍ତ୍ରୀ ମଧ୍ୟରେ ପ୍ରଥମେ ଯୁକ୍ତି ତର୍କ ହୋଇଥିଲା ।
ଏଥିରେ ବାଦଲ ଉତକ୍ଷିପ୍ତ ହୋଇ ହାତରେ ଧରିଥିବା ଧାରୁଆ କଟୁରୀରେ ରେ ସେବତୀକୁ ଆକ୍ରମଣ କରିଥିଲେ । ଏହି ସମୟରେ ସେବତୀଙ୍କୁ ୨ ଝିଅ ଓ ଜ୍ୱାଇଁ ବଞ୍ଚେଇବାକୁ ଆସିବାରୁ ତାଙ୍କୁ ମଧ୍ୟ ଗୋଡାଇ ଗୋଡାଇ ଆକ୍ରମଣ କରିଥିଲେ । ଏଥିରେ ୩ ଜଣ ଯାକ ଆହତ ହୋଇଥିଲେ। ସେମାନଙ୍କୁ ଗ୍ରାମବାସୀଙ୍କ ସହଯୋଗରେ ଖଇରା ମେଡିକାଲରେ ଭର୍ତ୍ତି କରାଯାଇଥିଲା। ଏନେଇ ଖଇରା ଥାନାରେ ଅଭିଯୋଗ ପରେ ଖଇରା ପୁଲିସ ତଦନ୍ତ ଜାରି ରଖିଛି । ଜମି ବାଡ଼ି ବିବାଦକୁ କେନ୍ଦ୍ର କରି ଏହି ଘଟଣା ଘଟିଥିବା ଘଟିଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
