ଯାହାକୁ ରଖିବେ ଅନନ୍ତ: ବସ୍ ପିଟିଲା ପରେ ବି କିଛି ହେଲାନି, ଝାଡ଼ିଝୁଡ଼ି ହୋଇ ଉଠିଲେ, ନିଜ ବାଟରେ ଗଲେ

କଥାରେ ଅଛି ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ। ଯାହାଙ୍କର ଆୟୂଷ ଅଛି ଆଉ ତାଙ୍କ ଉପରେ ଈଶ୍ୱରଙ୍କର କୃପା ଅଛି, କୌଣସି ପରିସ୍ଥିତିରେ ବି ତାଙ୍କର କିଛି ହେବନାହିଁ। ପୃଥିବୀରେ ଏମିତି ଅନେକ ଘଟଣା ଘଟିଛି ଯାହାକୁ ଦେଖିଲା ପରେ ଲୋକେ ଏ କଥାଟିକୁ ସ୍ୱୀକାର କରିଛନ୍ତି। ଏମିତି ଏକ ଘଟଣା ଘଟିଛି ଲଣ୍ଡନରେ। ଘଟଣା ବିଷୟରେ ଜାଣିଲେ କିମ୍ବା ଘଟଣାର ଭିଡିଓ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ।

ଭିଡିଓରେ ଅଛି କ’ଣ

ଭିଡିଓରେ ଦେଖିବାକୁ ମିଳୁଛି ଏକ ବ୍ୟସ୍ତ ରାସ୍ତାର ଦୃଶ୍ୟ। ଯେଉଁଥିରେ ବସ୍  ସବୁ ଦ୍ରୁତ ବେଗରେ ଯିବା ଆସିବା କରୁଛି। ଠିକ୍ ଏଇ ସମୟରେ ଜଣେ ବ୍ୟକ୍ତି ଚାଲିଚାଲି ଆସୁଛନ୍ତି ଓ ପଛପଟୁ ଏକ ଦ୍ରୁତଗାମୀ ବସ୍  ବୁଲାଣି ମୋଡୁଛି। ହେଲେ ବସ୍‌ଟି ସଂପୂର୍ଣ୍ଣ ବୁଲି ନପାରି ରାସ୍ତା କଡ଼ରେ ଯାଉଥିବା ଲୋକଟିକୁ ପଛପଟୁ ସିଧା ପିଟି ଦେଇଥିଲା। ଫଳରେ ଯୁବକ ଜଣକ ଫିଙ୍ଗି ହୋଇ ପଡ଼ିଥିଲେ ଓ କିଛି ବାଟ ଘୋଷାଡ଼ି ହୋଇ ଯାଇଥିଲେ। ଏ ଦୁର୍ଘଟଣା ଦେଖି ପାଖାପାଖି ଲୋକ ଆତଙ୍କିତ ହୋଇ ପଡ଼ିଥିଲେ। ସେମାନେ ଭାବି ନେଇଥିଲେ ଯେ, ଦୁର୍ଘଟଣାର ଶିକାର ହୋଇଥିବା ଯୁବକଙ୍କ ଜୀବନ ନିଶ୍ଚୟ ଚାଲିଗଲା। ଏପରି ଏକ ଭୟଙ୍କର ଦୁର୍ଘଟଣା ପରେ ଯେ ତାଙ୍କ ପ୍ରାଣବାୟୁ ଉଡ଼ି ଯାଇନି ତାହା ସେମାନେ ଭାବିବା ମଧ୍ୟ ବୋକାମୀ। ହେଲେ ପୁଣିଥରେ ସେଇ ଓଡିଆ ଋଢ଼ିଟି ଏଠି ପ୍ରମାଣିତ ହେଲା- ଯାହାକୁ ରଖିବେ ଅନନ୍ତ କି କରିପାରେ ବଳବନ୍ତ। ଅର୍ଥାତ୍ ବସ୍‌ଟି ତାଙ୍କୁ ପିଟିଦେଲା ପରେ ଯୁବକ ଜଣକ ପଡ଼ିଯାଇ ଘୋଷାଡ଼ି ହୋଇଗଲେ ସତ, ହେଲେ ପୁଣି ଉଠି ଝାଡ଼ିଝୁଡ଼ି ହୋଇ ନିଜ ବାଟରେ ଚାଲିଗଲେ। ସତେ ଯେମିତି ତାଙ୍କର କିଛି ହୋଇନି କିମ୍ବା ସେମିତି କିଛି ବଡ଼ ଦୁର୍ଘଟଣା ତାଙ୍କ ସହ ଘଟିନି।