ମୁମ୍ବାଇ: ରିଲିଆନ୍ସ ଜିଓର ଲଗାତର ବମ୍ପର ଅଫର ଦ୍ୱାରା ପ୍ରଭାବିତ ହେବ ଟେଲିକମ ଇଣ୍ଡଷ୍ଟ୍ରି । ଦୀର୍ଘ ଦିନ ଧରି ଜିଓ ଯେଉଁ ଭଳି କଲିଂ ଓ ଡାଟା ପାଇଁ ଫ୍ରିରେ ଗ୍ରାହକମାନଙ୍କୁ ସେବା ପ୍ରଦାନ କରୁଛି ଆଗାମୀ ଦିନରେ ଏହି କାରଣରୁ ଟେଲିକମ କମ୍ପାନୀ ଗୁଡିକ ଦେବାଳିଆ ହେବାର ସମ୍ଭାବନ ରହିଛି । ଏହାର ପ୍ରଭାବ ବ୍ୟାଙ୍କ ଉପରେ ମଧ୍ୟ ପଡିବାକୁ ଯାଉଛି। ବର୍ତ୍ତମାନ ବିଭିନ୍ନ ଟେଲିକମ ସଂସ୍ଥା ୪.୬୦ଲକ୍ଷ କୋଟି ଋଣରେ ଅଛନ୍ତି। ଏହି ସମୟରେ ରିଲିଆନ୍ସ ଜିଓ ପ୍ରାଇମ୍ ମେମ୍ବର ପାଇଁ ଗ୍ରାହକଙ୍କୁ ଆଉ ୧୫ଦିନ ସମୟ ଦେଇଥିବା ସହ ୩୦୩ ଟଙ୍କା ରିଚାର୍ଜ କରିଥିବା ଗ୍ରାହକଙ୍କୁ ୩ ମାସର ସେବା ଫ୍ରିରେ ପ୍ରଦାନ କରିବାକୁ ଘୋଷଣା କରିଛି। ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଜିଓରେ ୭.୨ କୋଟି ଲୋକ ପ୍ରାଇମ୍ ମେମ୍ବର ହୋଇସାରିଛନ୍ତି । ଏପରି ସ୍ଥଳରେ ଅନ୍ୟ ଟେଲିକମ୍ କମ୍ପାନୀ ଗୁଡିକର ବ୍ୟବସାୟ ମାନ୍ଦା ଅବସ୍ଥା ଦେଇ ଗତି କରୁଛି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
