ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଆଜିକାଲି ସୋସିଆଲ ମିଡିଆରୁ ବହୁତ ଗୁଡିଏ କଥା ଜାଣି ହେଉଛି। ଏପରି କିଛି ଭିଡିଓ ମିଳୁଛି ଯେତିକି ରୋମାଞ୍ଚକର ସେତିକି ଚିନ୍ତାଜନକ ମଧ୍ୟ। ଏବେ ଏମିତି ଏକ ଭିଡିଓ ଭାଇରାଲ ହେବାରେ ଲାଗିଛି, ଯାହାକୁ ଦେଖିଲେ ଯେତିକି ମଜା ଲାଗୁଛି ସେତିକି ଆଚମ୍ବିତ ମଧ୍ୟ କରୁଛି। ଆସନ୍ତୁ ଜାଣିବା ଏହି ଭିଡିଓ ସମ୍ପର୍କରେ।</p> <p>ଭିଡିଓଟି ଗୋଟେ କୁକୁର ଓ ହରିଣ ଛୁଆର। ସମୁଦ୍ରରେ ଭୁଡି ଯାଉଥିବା ଏକ ହରିଣ ଛୁଆକୁ କୁକୁରଟି ଉଦ୍ଧାର କରୁଥିବା ଏଥିରେ ଦେଖିବାକୁ ମିଳୁଛି। ହେଲେ ଆଶ୍ଚର୍ଯ୍ୟର କଥା ହେଲା ଉଦ୍ଧାର ପରେ ହୋସ୍‌କୁ ଆସି ହରିଣ ଛୁଆଟି ପୁଣି ଥରେ ସମୁଦ୍ରକୁ ଡେଇଁ ପଡିଥିଲା। ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇଛି। ଯଦି ହରିଣ ଛୁଆଟି ଭୁଲରେ ସମୁଦ୍ରରେ ପଡି ଯାଥିଲା ତେବେ ଉଦ୍ଧାର ପରେ ସେ ପୁଣି ଥରେ କାହିଁକି ସମୁଦ୍ରକୁ ଡେଇଁ ଥିଲା ? ସେ କ’ଣ ଜାଣିଶୁଣି ସମୁଦ୍ରକୁ ଡେଇଁଥିଲା ?</p> <p>ଏବେ ପ୍ରଶ୍ନ ଉଠିବାରେ ଲାଗିଛି ମଣିଷଙ୍କ ପରି କ’ଣ ଯନ୍ତୁମାନେ ବି ଆତ୍ମହତ୍ୟା କରିଥାନ୍ତି ? ହରିଣର ବ୍ୟବହାରରୁ ତ ସେପରି ଲାଗିଛି। କିଛି ପ୍ରାଣୀ ବିଶେଷଜ୍ଞଙ୍କ ମତରେ ହରିଣ ଛୁଆଟି ପ୍ରଥମ ଥର ମଧ୍ୟ ଜାଣିଶୁଣି ସମୁଦ୍ରକୁ ଡେଇଁଥାଇ ପାରେ।</p> <p>ଘଟଣାଟି ଏମିତି ଥିଲା। ଷ୍ଟ୍ରାର୍ମ ନାମକ ଏକ କୁକୁର ତା’ ମାଲିକ ସହ ସମୁଦ୍ର କୂଳରେ ବୁଲୁଥିବା ବେଳେ ଏକ ହରିଣ ଛୁଆ ସମୁଦ୍ରରେ ବୁଡି ଯାଉଥିବା ଦେଖିଥିଲା। ସେ କାଳ ବିଳମ୍ବ ନ କରି ସମୁଦ୍ରକୁ ଡେଇଁ ପଡିଥିଲା ଓ ହରିଣ ଛୁଆଟିକୁ ଉଦ୍ଧାର କରି କୂଳକୁ ଆଣିଥିଲା। କୂଳକୁ ଆଣିବା ପରେ ହରିଣର ହୋସ୍‌ ଆସିବା ପର୍ଯ୍ୟନ୍ତ ସେ ସ୍ଥାନରେ ଜଗି ବସିଥିଲା। ଏହି ସମୟ ମଧ୍ୟରେ ଷ୍ଟ୍ରାର୍ମର ମାଲିକ ଘଟଣା ସମ୍ପର୍କରେ ଆନିମାଲ ଶେଲ୍ଟରକୁ ଜଣାଥିଲେ। ଆଶ୍ଚର୍ଯ୍ୟର ବିଷୟ ହେଲା ହରିଣ ଛୁଆଟି ହୋସ୍‌କୁ ଆସିବା ପରେ ପୁଣି ତରେ ସମୁଦ୍ରକୁ ଡେଇଁ ପଡିଥିଲା। ତେବେ ଜଣେ ଭଲେଣ୍ଟର ତାକୁ ଉଦ୍ଧାର କରିଥିଲେ।</p> <p>ଏହି ଭିଡିଓ ଭାଇରାଲ ହେବା ପରେ ଷ୍ଟ୍ରାର୍ମକୁ ନିଜ କାମ ପାଇଁ ଚାରିଆଡୁ ପ୍ରଶଂସା ମିଳୁଛି। ଅନ୍ୟପକ୍ଷରେ ହରିଣ ଛୁଆଟି ଦ୍ୱିତୀୟ ଥର ସମୁଦ୍ରକୁ ଡେଇଁବାର କାରଣକୁ ନେଇ ମଧ୍ୟ ଚର୍ଚ୍ଚା ଜୋରସୋରରେ ଚାଲିଛି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
