କିଏ କାହାକୁ ଡରେ? କୁକୁର ଭାଲୁକୁ ନା ଭାଲୁ କୁକୁରକୁ? ପଢ଼ନ୍ତୁ…

ସିଂହ ଓ ବାଘ ପରେ ଜଙ୍ଗଲରେ ସବୁଠାରୁ ହିଂସ୍ର ଜନ୍ତୁ ଭାଲୁକୁ କୁହା ଯାଇଥାଏ। ରାଗିଥିବା ଭାଲୁ ଆଗକୁ ଯିବା ମୃତ୍ୟୁକୁ ଆମନ୍ତ୍ରଣ କରିବା ସହ ସମାନ। ମଣିଷ କ’ଣ ଏହି ସମୟରେ ବାଘ ବି ଭାଲୁକୁ ସାମ୍ନା କରିପାରେ ନାହିଁ। କେବେ ଭାବିଛନ୍ତି ଏପରି ସ୍ଥିତିରେ ଗୋଟେ କୁକୁର ଭାଲୁର ବାଟ ଓଗାଳିବ ଓ ତାଙ୍କୁ ଘଉଡାଇ ଦେବ। ଆଜ୍ଞା ହଁ । ଏପରି ଘଟଣା ଘଟିଛି ୱାସିଂଟନ୍‌ରେ। କୁକୁରଟିର ଏହି ବାହାଦୂରୀର ଦୃଶ୍ୟ, ତା ମାଲିକ ମୋବାଇଲ୍‌ରେ ରେକର୍ଡିଂ କରି ସୋସିଆଲ୍ ମିଡିଆରେ ଅପ୍‌ଲୋଡ଼ କରିଛନ୍ତି। ଯାହା ଏବେ ଭାଇରାଲ୍ ହେବାରେ ଲାଗିଛି।

ଘଟଣାଟି ୱାସିଂଟନ୍‌ ନିକଟରେ। କୁକୁର ମାଲିକଙ୍କ କହିବା ଅନୁସାରେ, ତାଙ୍କ ଅଞ୍ଚଳରେ ଏକ ଭାଲୁକୁ ଦୁଇଟି ଛୁଆ ସହ ବହୁଦିନ ହେବ ଦେଖିବାକୁ ମିଳୁଛି। ତାଙ୍କ ଲାବ୍ରାଡର ନଜରରେ ଭାଲୁଟି ପଡିବା ମାତ୍ରେ ସେ ଦୌଡି ଯାଇ ତା’ ଆଗରେ ଛିଡା ହୋଇ ବାଟ ଓଗାଳିଥିଲା। ଉଭୟ ପରସ୍ପରକୁ କିଛି ସମୟ ଅନାଇଥିଲେ। ଏହାପରେ ଭାଲୁଟି ସେଠାରୁ ଚାଲି ଯିବାକୁ ଉଚିତ ମଣିଥିଲା ଓ ବାଟ ବଦଳାଇ ଦେଇଥିଲା। ଭାଲୁଟି ଚାଲିଯିବା ପରେ କୁକୁରଟି ସେଠାରୁ ପଳାଇ ଆସିଥିଲା।