ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ନୂଆଦିଲ୍ଲୀ: କୁକୁରଠାରୁ ଆଉ ବିଶ୍ୱସ୍ତ ପ୍ରାଣୀ କିଏ ଅଛି? ସେଥିପାଇଁ ତାକୁ ମଣିଷ ଘରେ ରଖିଥାଏ। ସେ ମଧ୍ୟ ମାଲିକର ସବୁ କାମ କରିଥାଏ। ସମୟ ଆସିଲେ ନିଜ ଜୀବନ ଦେଇ ମାଲିକ ଜୀବନ ବଞ୍ଚାଇଥାଏ। ଅଫିସ, ମଲ୍, ଷ୍ଟେସନ ଓ ବଜାରରେ କୁକୁରକୁ କାମରେ ଲଗା ଯାଇଥାଏ। କିନ୍ତୁ କେବେ କୁକୁର ଘୋଡ଼ା ପିଠି ଉପରେ ବସି ବୁଲିବା ଶୁଣିଛନ୍ତି କି? କଥାଟା କାନକୁ ଶୁଣିବାକୁ ଅଡ଼ୁଆ ଲାଗୁଥିଲେ ମଧ୍ୟ ସତ। କିଛି ଦିନ ହେବ ସୋସିଆଲ ମିଡିଆରେ ଏକ ଭିଡ଼ିଓ ଭାଇରାଲ ହେଉଛି। ଏଥିରେ ଗୋଟିଏ କୁକୁର ଘୋଡ଼ା ପିଠି ଉପରେ ବସି ବୁଲୁଥିବା ଦେଖିବାକୁ ମିଳୁଛି।</p> <p>ଏହି ଭିଡ଼ିଓ କୋଥରିନ୍‌ ରେକ୍ମୋନ୍ ତାଙ୍କ ୟୁ ଟ୍ୟୁବ ପେଜରେ ୧୫ ଜୁଲାଇରେ ଅପଲୋଡ କରାଯାଇଛି। ଏଥିରେ କୁକୁରଟିଏ ଘୋଡା ଉପରେ ବସି ବୁଲୁଥିବାର ଦେଖିବାକୁ ମିଳୁଛି। ଘୋଡ଼ାର ଲଗାମକୁ ନିଜ ପାଟିରେ କାମୁଡି ଧରିଛି କୁକୁରଟି। ଏହି ସାହସୀ କୁକୁର ନାମ ବେଲି। ବୟସ ତାର ୧୦ବର୍ଷ। ଏହି ଭିଡ଼ିଓ ଟେକସାସ୍ ସହରର। ଏହା ଯେ ନିଶ୍ଚୟ ଏକ ପୋଷା ଓ ତାଲିମପ୍ରାପ୍ତ କୁକୁର ତାହା ଭିଡିଓରୁ ଏବଂ କୁକୁରର ଆଚରଣରୁ ସ୍ପଷ୍ଟ ହୋଇଯାଉଛି। ବିଦେଶର କୌଣସି ଏକ ଫାର୍ମ ହାଉସ୍ ବା ବିଶାଳ ଗୋଚର ପଡ଼ିଆରେ ଏହି ଭିଡିଓ ସୁଟ୍ କରାଯାଇଛି। କୁକୁରଟିକୁ ଘୋଡ଼ା ଉପରେ ବସାଇ ତାକୁ ସଂପୂର୍ଣ୍ଣ ଭାବେ ଏକ ଚାଦରରେ ଘୋଡ଼ାଇ ଦିଆଯାଇଛି। କୌଣସି ଏକ ଭଦ୍ରଲୋକ ପରି କୁକୁରଟି ବସିଛି ଓ ଘୋଡ଼ାଟି ଦଉଡ଼ା ଦଉଡ଼ି ନକରି ଧୀରେ ଧୀରେ ଚାଲୁଛି, ଯେପରି କୁକୁରଟି ତା ପିଠିରୁ ନପଡ଼େ। ଭିଡିଓଟିର ବିଶେଷତ୍ବ ସେମିତି କିଛି ନହେଲେବି ସାଧାରଣ ଲୋକଙ୍କ ଭିତରେ କୌତୂହଳ ସୃଷ୍ଟି କରୁଛି। (ଭିଡିଓ ସୌଜନ୍ୟ- ୟୁ ଟ୍ୟୁବ୍)</p> <p>&nbsp;</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
