ବେଲଗାମ୍‌ ହେଉଛି ବାଲି ଚୋରା ଚାଲଣ: ଦିନ ଦିପହରରେ ଲୁଟ୍‌ ହେଉଛି ରାଜସ୍ୱ  

ଜୟପୁର (ଓଡ଼ିଶା ରିପୋର୍ଟର): ନଦୀରୁ ବାଲି ଉଠାଯିବା ପାଇଁ ଲାଇସେନ୍ସ କରିବାକୁ ପଡିଥାଏ। ଏଥିପାଇଁ ତସହିଲ ପକ୍ଷରୁ ନିଲାମ ଡକାଯାଇଥାଏ। ହେଲେ ବହୁ ସ୍ଥାନରେ ବେଆଇନ୍‌ ଭାବେ ବାଲି ଚାଲଣ ଅଭିଯୋଗ ଆସିବା କିଛି ନୂଆ କଥା ନୁହେଁ। ସବୁ ଆଇନ୍‌ କାନୁନ୍‌କୁ ଜଳାଞ୍ଜଳି ଦେଇ ବାଲି ମାଫିଆ ଲୁଟ୍‌ କରିଥାନ୍ତି। ଦିନ ଦିପହରରେ ଏମିତି ଚାଲାଣ ହେଉଥିବା କେଳେ ରଜସ୍ୱ ବିଭାଗ କୁମ୍ଭକର୍ଣ୍ଣ ନିଦରେ ଶୋଇଥିବା ଓ ନିଜ ଆଡୁ କେବେ କୌଣସି କାର୍ଯ୍ୟାନୁଷ୍ଠାନ ନେବା ଦେଖିବାକୁ ମିଳେ ନାହିଁ। ଏପରି ଏକ ଅଭିଯୋଗ ଆସିଛି କୋରାପୁଟ ଜିଲ୍ଲାରୁ।

koraputଜିଲ୍ଲାର ବାଗଦେରୀଠାରେ କୋଲାବ ନଦୀରୁ ଟ୍ରାକ୍ଟର ଜରିଆରେ ବେଆଇନ ଭାବେ ବାଲି ଉଠାଣ ହୋଇ ଚୋରା ଚାଲାଣ କରାଯାଉଛି। ବେଧଡ଼କରେ ଚାଲିଛି ଏହି ବାଲି ଚୋରା ଚାଲାଣ। କିଛିଦିନ ପୂର୍ବେ ସ୍ଥାନୀୟ ଲୋକ ଏପରି ଲୁଟ୍‌କୁ ବିରୋଧ କରି କୁନ୍ଦୁରା ଥାନା ଘେରାଉ କରିଥିଲେ। ହେଲେ ଏହି ବାଲି ଚୋରଙ୍କ ବିରୋଧରେ କୌଣସି କାର୍ଯ୍ୟାନୁଷ୍ଠାନ ନିଆଯାଉ ନ ଥିବା ଅଭିଯୋଗ ହେଉଛି।

କିଛି ଟ୍ରାକ୍ଟର ଡ୍ରାଇଭର କହିଛନ୍ତି, ଏଠାରୁ ବାଲି ଯାଇ ବିଭିନ୍ନ କାମରେ ଲାଗୁଛି। ଘାଟ ନିଲାମ ହୋଇଛି କି ନାହିଁ ଆମେ ଜାଣିନାହୁଁ। ମାଲିକ ଆମକୁ ବାଲି ପାଇଁ ପଠାଉଛନ୍ତି, ସେଥିପାଇଁ ଆମେ ଆସୁଛୁ।

koraput2ସୂଚନାଯୋଗ୍ୟ, ଜିଲ୍ଲାର କୁନ୍ଦୁରା ତହସିଲରେ ମୋଟ ୧୧ଟି ଘାଟକୁ ନିଲାମ ଦିଆଯାଇଛି। ହେଲେ ଏହାଠାରୁ ଢେର ଅଧିକ ଘାଟରୁ ଚୋରାରେ ବାଲି ଉଠାଣ ହେଉଛି। ଏଭଳି ବାଲି ଚୋରା ଚାଲାଣକୁ ରୋକିବା ପାଇଁ ପ୍ରଶାସନର ଦୃଢ କାର୍ଯ୍ୟାନୁଷ୍ଠାନ ନେବାକୁ ସ୍ଥାନୀୟ ଲୋକେ ଦାବି କରିଛନ୍ତି।

ଏନେଇ କୁନ୍ଦୁରା ତହସିଲଦାର ଭିର ସୋରେଙ୍ଗ କହିଛନ୍ତି- “ଅଭିଯୋଗ ହେବା ପରେ ଯାଞ୍ଚ ପାଇଁ ଘଟକୁ ଆସିଥିଲି। ଏଠାରେ ବେଆଇନ ଭାବେ ବାଲି ଚାଲାଣ ହେଉଥିବା ଜଣାପଡିଛି। ବାଲି ଉଠାଉ ଥିବା ଟ୍ରାକ୍ଟର ମାଲିକଙ୍କ ପାଖରୁ ଜରିମାନା ଆଦାୟ କରାଯିବ। ଦିନ ବେଳେ ଯେଉଁଠି ବାଲି ଚୋରା ଚାଲାଣ ହେଉଛି, ଚଢାଉ କରି ଜରିମାନା ଆଦାୟ କରାଯାଉଛି। ହେଲେ ରାତିରେ ଜଗିବା ସମ୍ଭବ ହେଉନାହିଁ। ରାତିରେ ବାଲି ଚୋରା ଚାଲଣ ହେଉଥିବା ଅଭିଯୋଗ ଆସିଲେ, ପୋଲିସ୍‌ର ସହାୟତା ନିଆଯାଇ ଏହାକୁ ବନ୍ଦ କରିବାକୁ ଚେଷ୍ଟା କରିବି।”

ଆହୁରି ପଢ଼ନ୍ତୁ

କାମେଗୌଡ଼ାଙ୍କ ପାଇଁ ଆଜୀବନ ମାଗଣା ବସ୍‌‌ଯାତ୍ରା ବ୍ୟବସ୍ଥା କଲେ ସରକାର

କରୋନା ପ୍ରଭାବ: ଫିଲ୍ମ ନିର୍ଦ୍ଦେଶକ ଖୋଲିଲେ ଗ୍ରୋସରୀ ଦୋକାନ

କୋଭିଡ୍-୧୯ ଲଢ଼େଇରେ ନଡ଼ିଆ ତେଲର ଭୂମିକାକୁ ନେଇ ଚର୍ଚ୍ଚା

ଓଡ଼ିଶାରେ ସେଓ ଚାଷ କରି ସଫଳ ହେଲେ ଉମାକାନ୍ତ

ମାଧୁରୀଙ୍କୁ ମୋହିନୀ ବନେଇଥିଲେ ସରୋଜ

୪୦ ବର୍ଷ ପରେ…ବାଘୁଣୀ ଖଇରୀକୁ ଝୁରୁଛି ମା ନିହାର ନଳିନୀ

କୁଆଡ଼ୁ ଆସିବେ ପ୍ଲାଜମା ଡୋନର୍?

୮୫ବର୍ଷୀୟ ବୃଦ୍ଧ ଗାଁରେ ଖୋଳିଛନ୍ତି ୧୬ଟି ଗାଡିଆ: ‘ମନ କି ବାତ୍‌’ରେ ମୋଦି କଲେ ପ୍ରଶଂସା

ଶ୍ରୀକ୍ଷେତ୍ର ସାଇଁଙ୍କ ପ୍ରେମରେ ସମ୍ବାରୀ ଶବର

ଓଡ଼ିଆ ଭାଷା ସହ ‘ଆମାଜନ’ କଲା ପାତରଅନ୍ତର

ବାହାଘର ପାଇଁ ସଞ୍ଚିତ ଟଙ୍କାରେ ଝିଅକୁ ବିମାନ ଚାଳକ କଲେ ବାପା

ଫ୍ରି କୋଭିଡ୍‌ ଟେଷ୍ଟ ପାଇଁ ଇମେଲ୍‌ ଆସୁଛି କି? ଭୁଲ୍‌ରେ ବି ଏହି ମେଲ୍‌ ଖୋଲନ୍ତୁ ନାହିଁ