୨୦୦ ମିଟରରେ ଶ୍ରାବଣୀଙ୍କୁ ସ୍ୱର୍ଣ୍ଣ, ଦୂତିଙ୍କୁ ରୌପ୍ୟ

ଭୁବନେଶ୍ୱର: କର୍ଣ୍ଣାଟକର ମାଙ୍ଗାଲୋରଠାରେ ଚାଲିଥିବା ସିନିୟର ଆଥଲେଟିକ୍ ଚାମ୍ପିଅନସିପ୍ ଫେଡେରେସନ୍ ଚାମ୍ପିଅନସିପରେ ସୋମବାର ଓଡ଼ିଶାକୁ ମିଳିଛି ତିନୋଟି ପଦକ। ୨୦୦ ମିଟର ଦୌଡ଼ ପ୍ରତିଯୋଗିତାରେ ଶ୍ରାବଣୀ ନନ୍ଦ ସ୍ୱର୍ଣ୍ଣ ପଦକ ଜିତିଛନ୍ତି। ଦୂତି ଚାନ୍ଦଙ୍କୁ ପୁଣି ରୌପ୍ୟ ସନ୍ତୁଷ୍ଟ ରହିବାକୁ ପଡ଼ିଛି। ସେହିଭଳି ହେପ୍ଟାଥାଲାନରେ ପୂର୍ଣ୍ଣିମା ହେମ୍ବ୍ରମ ସ୍ୱର୍ଣ୍ଣ ପଦକ ଜିତିଛନ୍ତି।

ଏହା ସହିତ ଏହି ଚାମ୍ପିଅନସିପରେ ଏଯାବତ ଏ ଦୁଇ ଖେଳାଳି ଦୁଇଟି ଲେଖାଏଁ ପଦକ ହାସଲ କରିଛନ୍ତି। ଶ୍ରାବଣୀ ଦୁଇଟି ସ୍ୱର୍ଣ୍ଣ ପଦକ ପାଇସାରିଥିବା ବେଳେ ଦୂତିଙ୍କୁ ଦୁଇଟି ରୌପ୍ୟ ପଦକ ମିଳିଛି।

ମେ’୨ ତାରିଖରେ ୧୦୦ ମିଟର ଦୌଡ଼ରେ ମଧ୍ୟ ଶ୍ରାବଣୀଙ୍କୁ ସ୍ୱର୍ଣ୍ଣ ପଦକ ହାତେଇ ଥିଲେ। ଏଥିରେ ଦୂତିଙ୍କୁ ରୌପ୍ୟ ପଦକ ମିଳିଥିଲା। ସେହିଭଳି ସେଦିନ ପୁରଷ ବର୍ଗର ୧୦୦ ମିଟର ଦୌଡ଼ରେ ଅମୀୟ ମଲ୍ଲିକ ମଧ୍ୟ ସ୍ୱର୍ଣ୍ଣ ପଦକ ହାତେଇ ଥିଲେ।