ନୂଆଦିଲ୍ଲୀ: କୁଆଲାଲମପୁରଠାରେ ଅନୁଷ୍ଠିତ ୨୧ ତମ ଏସିଆନ ଜୁନିୟର ଓ କ୍ୟାଡେଟ ଟେବୁଲ ଟେନିସ ଚାମ୍ପିଅନସିପରେ ଭାରତୀୟ ବାଳକ ଦଳକୁ ଷଷ୍ଠ ସ୍ଥାନରେ ସନ୍ତୁଷ୍ଟ ହେବାକୁ ପଡିଛି। ଚାଇନିଜ ତାଇପେଇଠାରୁ ହାରି ଭାରତୀୟ ଦଳ ଷଷ୍ଠ ସ୍ଥାନରେ ରହିଯାଇଛି।ଆଶା ମୁତାବକ ଚୀନକୁ ସ୍ୱର୍ଣ୍ଣ ପଦକ ମିଳିଥିବାବେଳେ ଦକ୍ଷିଣ କୋରିଆ ଓ ଜାପାନ ଯଥାକ୍ରମେ ରୌପ୍ୟ ଓ ବ୍ରୋଞ୍ଜ ପଦକ ଜିତିଛନ୍ତି।
ଏହା ପୂର୍ବରୂ ଏହି ଟୁର୍ଣ୍ଣାମେଣ୍ଟରେ ବାଳିକା ଦଳ ଚାଇନିଜ୍ ତାଇପାଇଠାରୁ ପ୍ରି-କ୍ୱାର୍ଟର ଫାଇନାଲରେ ହାରି ବିଦାୟ ନେଇ ସାରିଥିଲା। ଚାଇନିଜ ତାଇପେଇ ଦଳ ଭାରତୀୟ ବାଳିକା ଦଳକୁ ୦-୩ରେ ହରାଇଥିଲା। ଗତବର୍ଷ ମୁମ୍ବାଇରେ ଭାରତୀୟ ଦଳ ଚାଇନିଜ ତାଇପେଇକୁ ୧-୩ରେ ହରାଇଥିଲା। ଏଥର ବାଳିକା ବର୍ଗରେ ଚୀନ,ଜାପାନ ଓ ଦକ୍ଷିଣ କୋରିଆ ଯଥାକ୍ରମେ ସ୍ୱର୍ଣ୍ଣ,ରୌପ୍ୟ ଓ ବ୍ରୋଞ୍ଜ ପଦକ ଜିତିଛନ୍ତି।
୨୦୧୪ ମସିହାରେ ମୁମ୍ବାଇରେ ହୋଇଥିବା ୨୦ ତମ ଏସିଆନ ଜୁନିୟର ଓ କ୍ୟାଡେଟ ଟେବୁଲ ଟେନିସ ଚାମ୍ପିଅନସିପରେ ଭାରତୀୟ ବାଳକ ଦଳ ନବମ ସ୍ଥାନରରେ ରହିଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
