ଭୁବନେଶ୍ୱର: ଟାଟାଷ୍ଟିଲ ଓ ଓଡ଼ିଶା ସରକାରଙ୍କ ମିଳିତ ଆନୁକୁଲ୍ୟରେ ଆଜି ଭୁବନେଶ୍ୱର ହାଫ୍ ମାରାଥନ୍ ଅନୁଷ୍ଠିତ ହୋଇଯାଇଛି। ୩ଟି ବିଭାଗରେ ହୋଇଥିବା ଏହି ମାରାଥନ୍ରେ ୩୦୦୦ରୁ ଅଧିକ ପ୍ରତିଯୋଗୀ ଅଂଶଗ୍ରହଣ କରିଥିଲେ। କଳିଙ୍ଗ ଷ୍ଟାଡିୟମରୁ ଖଣ୍ଡଗିରି ମଧ୍ୟରେ ଏହି ମାରାଥନ୍ ହୋଇଥିଲା।
ସବୁ ବିଭାଗରେ ପୁରୁଷ ଓ ମହିଳା ବର୍ଗରୁ ୩୦ ଜଣ ପ୍ରତିଯୋଗୀଙ୍କୁ ୯ ଲକ୍ଷ ଟଙ୍କାର ଅର୍ଥରାଶି ପୁରସ୍କାର ବାବଦକୁ ପ୍ରଦାନ କରାଯାଇଥିଲା। କୃତୀ ପ୍ରତିଯୋଗୀଙ୍କୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପୁରସ୍କୃତ କରିଥିଲେ।
ମାରାଥନ୍ରେ ସଂସ୍କୃତି ଓ ପର୍ଯ୍ୟଟନ ମନ୍ତ୍ରୀ ଅଶୋକ ପଣ୍ଡା, ସାଂସଦ ପ୍ରସନ୍ନ ପାଟ୍ଟଶାଣୀ, ବିଧାୟକ ପ୍ରିୟଦର୍ଶୀ ମିଶ୍ର ଏବଂ ବିଜୟ ମହାନ୍ତି, ପୋଲିସ ଡିଜି କେ.ବି. ସିଂହ, କ୍ରୀଡ଼ା ସଚିବ ବିଶାଲ ଦେବ, ଟାଟାଷ୍ଟିର ଚିଫ୍ ରେସିଡେଣ୍ଟ ଏକଜିକ୍ୟୁଟିଭ ମଣିକାନ୍ତ ନାୟକ, ଓଲିଉଡ ତାରକା ସବ୍ୟସାଚୀ ଓ ଅର୍ଚ୍ଚିତା ପ୍ରମୁଖ ଉପସ୍ଥିତ ଥିଲେ।
ମାରାଥନ୍ ପରେ କଳିଙ୍ଗ ଷ୍ଟାଡିୟମରେ ରକ୍ ବ୍ୟାଣ୍ଡ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
