ଭୁବନେଶ୍ୱର(ଓଡ଼ିଶା ରିପୋର୍ଟର): ୩ ମାର୍ଚ୍ଚ ୨୦୦୯ରେ ପାକିସ୍ତାନ ଗସ୍ତରେ ଥିବା ଶ୍ରୀଲଙ୍କା ଟିମ୍ ଉପରକୁ ହୋଇଥିଲା ଆତଙ୍କବାଦୀ ଆକ୍ରମଣ। ଏହି ସମୟରେ ବସ୍ ଚଲାଉଥିବା ଡ୍ରାଇଭରଙ୍କ ଉପସ୍ଥିତ ବୁଦ୍ଧି ପାଇଁ ସମସ୍ତଙ୍କର ଜୀବନ ବଞ୍ଚିଯାଇଥିଲା। ଶ୍ରୀଲଙ୍କା ଟିମ୍ ୩ଟି ଟେଷ୍ଟ ଓ ୩ଟି ଦିନିକିଆ ମ୍ୟାଚ୍ ଖେଳିବା ପାଇଁ ପାକିସ୍ତାନ ଗସ୍ତରେ ଯାଇଥିଲା। ପ୍ରଥମ ଟେଷ୍ଟ ମ୍ୟାଚ୍ ସରିବା ପରେ ସିରିଜର ଦ୍ୱିତୀୟ ଟେଷ୍ଟ ମ୍ୟାଚ୍ ମାର୍ଚ୍ଚ ୧ ତାରିଖ ଠାରୁ ଆରମ୍ଭ ହୋଇଥିଲା। ମାର୍ଚ୍ଚ ୩ ତାରିଖ ଦିନ ହୋଟେଲରୁ ଷ୍ଟାଡ଼ିୟମକୁ ଯାଉଥିବା ବେଳେ ଶ୍ରୀଲଙ୍କା ଖେଳାଳିଙ୍କ ଉପରକୁ ରାସ୍ତାରେ ଆତଙ୍କବାଦୀ ଆଖିବୁଜା ଗୁଳି ଚଲାଇଥିଲେ। ଏହି ସମୟରେ ବସ ଚଲାଉଥିବା ଡ୍ରାଇଭର୍ ମେହର ମହମ୍ମଦ ଖଲିଲ୍ ଉପସ୍ଥିତ ବୁଦ୍ଧି ଖଟାଇ ବସ୍କୁ ଅଟକାଇ ନଥିଲେ। ଏବଂ ବସକୁ ନ ରୋକି ଖେଳାଳିଙ୍କୁ ନେଇ ଷ୍ଟାଡ଼ିୟମ ନିକଟରେ ପହଞ୍ଚାଇଦେଇଥିଲେ। ଏହି ଆକ୍ରମଣରେ ୮ଜଣ ଲୋକ ପ୍ରାଣ ହରାଇଥିଲେ। ଏହାସହ ଶ୍ରୀଲଙ୍କାର ସେତେବେଳର ଅଧିନାୟକ ମହିଲା ଜୟବର୍ଦ୍ଧନ, କୁମାର ସାଙ୍ଗାକାରା ସମେତ ୬ ଜଣ ଖେଳାଳି ଆହତ ମଧ୍ୟ ହୋଇଥିଲେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
