ଇଂଲଣ୍ଡ ଜିତିଲା ପ୍ରଥମ ଟେଷ୍ଟ; ୧୨୪ ରନରେ ହାରିଲା ନ୍ୟୁଜିଲାଣ୍ଡ୍

ଲଣ୍ଡନ: ଲର୍ଡସ ଖେଳା ଯାଇଥିବା ପ୍ରଥମ ଟେଷ୍ଟ୍ ମ୍ୟାଚରେ ମଙ୍ଗଳବାର ନ୍ୟୁଜିଲାଣ୍ଡକୁ ୧୨୪ ରନରେ ପରାସ୍ତ କରିଛି ଇଂଲଣ୍ଡ। ଜିତିବା ପାଇଁ ନ୍ୟୁଜିଲାଣ୍ଡ୍ ଆଗରେ ୩୪୫ ରନର ଟାର୍ଗେଟ ରଖିଥିଲା ଇଂଲଣ୍ଡ।  ତେବେ ନ୍ୟୁଜିଲାଣ୍ଡ୍ ଦ୍ୱିତୀୟ ପାଳିରେ ମାତ୍ର ୨୨୦ ରନରେ ଅଲ୍ ଆଉଟ୍ ହୋଇଯାଇଥିଲା।

ଜିତିବା ପାଇଁ ୩୪୫ ରନର ପିଛା କରି ନ୍ୟୁଜିଲାଣ୍ଡ୍ ୬୭.୩ ଓଭରରରେ ମାତ୍ର ୨୨୦ ରନ୍ କରିଥିଲା ଓ ସମସ୍ତ ୱିକେଟ୍ ହରାଇଥିଲା। ଶେଷ ୱିକେଟଟି ପଡ଼ିଥିଲା ବୋଲ୍ଟଙ୍କର। ଦଳ ପକ୍ଷରୁ ଦ୍ୱିତୀୟ ପାଳିରେ ଏଣ୍ଡରସନ୍ ୬୭ ଓ ବି.ଜେ ବେଟଲିଙ୍ଗ୍ ୫୯ ରନ୍ କରିଥିଲେ। ଏହା ସହିତ ଦୁଇ ଟିକିଆ ଟେଷ୍ଟ ଟେଷ୍ଟ ସିରିଜରୁ ପ୍ରଥମଟିରେ ଜିତି ୧-୦ରେ ଆଗୁଆ ରହିଛି ଇଂଲଣ୍ଡ।  ଇଂଲଣ୍ଡ ତରଫରୁ ଦ୍ୱିତୀୟ ଇନିଂସରେ ବ୍ରାଡ୍ ଓ ଷ୍ଟୋକ୍ସ ତିନିଟି ଲେଖାଏଁ ୱିକେଟ୍ ନେଇ ଥିବା ବେଳେ ଏଣ୍ଡରସନ୍, ବୁଡ, ଅଲ୍ଲୀ ଓ ରୁଟ୍ ଗୋଟିଏ ଲେଖାଏଁ ୱିକେଟ୍ ହାସଲ କରିଥିଲେ।