ସାଙ୍ଘାଇ: ଆଇଏଏଏଫ୍ ଡାଏମଣ୍ଡ ଲିଗ୍ରେ ନୂଆ କିର୍ତ୍ତିମାନ୍ ରଚିଛନ୍ତି ୨୦୧୦ ଏସିଆନ୍ ଗେମ୍ସର ୩୦୦୦ମି ଷ୍ଟେପେଲ୍ଚେସ୍ରେ ସ୍ୱର୍ଣ୍ଣ ବିଜୟିନୀ ମାରାଥନ୍ ଗାର୍ଲ ସୁଧା ସିଂହ। ସେ ୨୦୧୬ ଫେଡେରେସନ କପ୍ରେ ଲଳିତା ଶିବାଜୀ ବାବର କରିଥିବା ଜାତୀୟ ରେକର୍ଡକୁ (୯:୨୭:୩୦) ଭାଙ୍ଗି ସେ ୯:୨୬:୫୫ ମିନିଟରେ ନିର୍ଦ୍ଦିଷ୍ଟ ଦୂରତାକୁ ଅତିକ୍ରମ କରି ନୂଆ ରେକର୍ଡ ସ୍ଥାପନ କରିଛନ୍ତି। ସେ ଆଇଏଏଏଫ୍ ଡାଏମଣ୍ଡ ଲିଗ୍ରେ ୮ମ ସ୍ଥାନରେ ରହି ଏହି ଜାତୀୟ ରେକର୍ଡକୁ ଭାଙ୍ଗିଛନ୍ତି।
୩୦୦୦ମି ମହିଳା ଷ୍ଟେପେଲ୍ଚେସ୍ ଇଭେଣ୍ଟରେ ବିଶ୍ୱର ଏକ ନମ୍ବର ସ୍ଥାନରେ ଥିବା ବାବର ୯:୪୩:୩୦ରେ ଦୂରତାକୁ ଅତିକ୍ରମ କରି ୧୩ ତମ ସ୍ଥାନରେ ରହିଛନ୍ତି।
ଏହାସହ କେନିଆର ଏଚ୍.କେଇଙ୍ଗ ଏକ ରେକର୍ଡ ସ୍ଥାପନ କରିଛନ୍ତି। ସେ ୯:୦୭:୪୨ରେ ନିର୍ଦ୍ଦିଷ୍ଟ ଦୂରତା ଅତିକ୍ରମ କରି ପ୍ରଥମ ସ୍ଥାନ ଅକ୍ତିୟାର କରିଛନ୍ତି। ପୂର୍ବରୁ ୨୦୧୨ରେ ତାଙ୍କ ଦେଶର ଏମ୍.ଚେମୋସ୍ଙ୍କ ନାମରେ ଥିବା ୯:୧୫:୮୧କୁ ସେ ଭାଙ୍ଗି ଏହି ରେକର୍ଡ ସ୍ଥାପନ କରିଛନ୍ତି। ସେହିପରି ବାହାରେନ୍ର ରୁଥ୍ ଜେବେତ୍ ୯:୧୫:୯୮ରେ ଦୂରତାକୁ ଅତିକ୍ରମ କରି ରୌପ୍ୟ ଓ ଇଥୋପିଆର ସୋଫିଆ ଅଶେଫା ୯:୨୧:୦୭ରରେ ଅତିକ୍ରମ କରି ବ୍ରୋଞ୍ଜ ପଦକ ହାସଲ କରିଛନ୍ତି।
ଉଭୟ ସୁଧା ଓ ଲଳିତା ଏହି ୩୦୦୦ମି ମହିଳା ଷ୍ଟେପେଲ୍ଚେସ୍ ଇଭେଣ୍ଟରେ ଯୋଗ୍ୟତା ଅର୍ଜନ କରି ରିଓ ଅଲିମ୍ପିକ୍ ପାଇଁ ଯୋଗ୍ୟତା ହାସଲ କରିସାରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
