ନୂଆଦିଲ୍ଲୀ:ଚଳିତ ବର୍ଷ ଅଗଷ୍ଟ ମାସରୁ ଆରମ୍ଭ ହେବାକୁ ଥିବା ରିଓ ଅଲିମ୍ପିକରେ ଭାରତ ପକ୍ଷରୁ ୯୦ରୁ ଅଧିକ କ୍ରୀଡ଼ାବିତ ଭାଗ ନେଇପାରନ୍ତି। ମଙ୍ଗଳବାର ଲୋକସଭାରେ ଏହି ସୂଚନା ଦେଇଛନ୍ତି ଗୃହ ରାଷ୍ଟ୍ରମନ୍ତ୍ରୀ କୀରଣ ରିଜ୍ଜୁ।
ଲୋକସଭାର ପ୍ରଶ୍ନକାଳରେ କ୍ରୀଡ଼ାମନ୍ତ୍ରୀ ସର୍ବାନନ୍ଦ ସୋନୱାଲଙ୍କ ପାଇଁ ଉଦ୍ଧିଷ୍ଟ ପ୍ରଶ୍ନର ଉତ୍ତର ଦେଇ ଗୃହରାଷ୍ଟ୍ର ମନ୍ତ୍ରୀ କୀରଣ ରିଜ୍ଜୁ କହିଛନ୍ତି,“ରିଓ ଅଲିମ୍ପିକ୍ ପାଇଁ ଭାରତରୁ ୯୦ରୁ ଅଧିକ କ୍ରୀଡ଼ାବିତ୍ ଯୋଗ୍ୟତା ଅର୍ଜନ କରିଛନ୍ତି। ଚଳିତ ଏଥର ସର୍ବାଧିକ ପ୍ରତିଯୋଗୀଙ୍କୁ ରିଓ ଅଲିମ୍ପିକକୁ ଯିବାକୁ ଯୋଗ୍ୟତା ଅର୍ଜନ କରିଛନ୍ତି।”
ସେ ଆହୁରି ମଧ୍ୟ କହିଛନ୍ତି, “ଏହି ୯୦ ଜଣଙ୍କ ମଧ୍ୟରେ ୫୮ ଜଣ କ୍ରୀଡ଼ାବିତ୍ ବ୍ୟକ୍ତିଗତ ଇଭେଣ୍ଟରେ ଯୋଗ୍ୟତା ଅର୍ଜନ କରିଥିବା ବେଳେ ଉଭୟ ପୁରୁଷ ଓ ମହିଳା ଦଳକୁ ମିଶାଇ ୩୪ ଜଣ ହକି ଖେଳାଳି ଅଛନ୍ତି। ସେମାନଙ୍କ ଟ୍ୟାଲେଣ୍ଟର ବିକାଶ ପାଇଁ ସେମାନଙ୍କୁ ଉଭୟ ଦେଶ ଓ ବିଦେଶରେ ପ୍ରଶିକ୍ଷଣ ଦେବାକୁ ସ୍ୱତନ୍ତ୍ର ପଦକ୍ଷେପ ନିଆଯାଇଛି।”
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।