ନୂଆଦିଲ୍ଲୀ: ଟି-୨୦ କ୍ରିକେଟ ବିଶ୍ଵକପକୁ ଆଉ ମାତ୍ର ୩ ମାସ ଥିବା ବେଳେ ଭାରତୀୟ ମହିଳା କ୍ରିକେଟ୍ ଟିମ୍କୁ ଲାଗିଛି ଜବରଦସ୍ତ ଝଟ୍କା। ଟିମ୍ର ସବୁଠାରୁ ବରିଷ୍ଠ ତଥା ସ୍ପିଡ୍ ଷ୍ଟାର ଝୁଲନ ଗୋସ୍ୱାମୀ ଆଜି ଟି଼-୨୦ କ୍ରିକେଟ୍କୁ ବାଏବାଏ କହିଛନ୍ତି।
ଝୁଲନ ଆଜି ଟି-୨୦ ଫର୍ମାଟରୁ ଅବସର ଘୋଷଣା କରିଥିବାରୁ ସେ ୱେଷ୍ଟଇଣ୍ଡିଜ୍ରେ ଆସନ୍ତା ନଭେମ୍ବରରେ ହେବାକୁ ଥିବା ଟି-୨୦ ବିଶ୍ୱକପ୍ ଖେଳିବେ ନାହିଁ। ଫଳରେ ଭାରତୀୟ ମହିଳା ଟିମ୍ ଝୁଲନଙ୍କ ଅନୁପସ୍ଥିତିକୁ ବେଶ ଅନୁଭବ କରିବ ବୋଲି କୁହାଯାଉଛି।
ତେବେ ଟି-୨୦ରୁ ଅବସର ନେଇଥିବା ୩୫ ବର୍ଷୀୟ ଝୁଲନ କେବଳ ଦିନିକିଆ ମ୍ୟାଚ୍ ଖେଳିବେ ବୋଲି କହିଛନ୍ତି।
ଭାରତ ପକ୍ଷରୁ ଝୁଲନ ୬୮ ଟି-୨୦ ମ୍ୟାଚ୍ ଖେଳି ୫୬ଟି ୱିକେଟ୍ ନେଇଛନ୍ତି। ଝୁଲନଙ୍କ ନାଁରେ ଦିନିକିଆରେ ସର୍ବାଧିକ ୱିକେଟ୍ ଦଖଲ କରିବାର ରେକର୍ଡ ଆଜି ବି ବଳବତ୍ତର ରହିଛି। ସେ ୧୬୯ଟି ମ୍ୟାଚ୍ରେ ୨୦୦ଟି ୱିକେଟ ଦଖଲ କରିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
