ଓଡେନ୍ସ(ଡେନ୍ମାର୍କ): ଡେନ୍ମାର୍କ ଓପନ୍ ବ୍ୟାଡ୍ମିଣ୍ଟନ୍ ଟୁର୍ଣ୍ଣାମେଣ୍ଟର ପୁରୁଷ ବର୍ଗରେ କ୍ୱାର୍ଟର ଫାଇନାଲ୍ରେ ପହଞ୍ଚି ଯାଇଛନ୍ତି ଭାରତର କିଦାମ୍ବି ଶ୍ରୀକାନ୍ତି। ସେ ଚୀନ୍ର ପ୍ରସିଦ୍ଧ ଖେଳାଳି ଲିନ୍ ଡାନ୍ଙ୍କୁ ହରାଇ କ୍ୱାର୍ଟର ଫାଇନାଲ୍ରେ ପହଞ୍ଚିଛନ୍ତି।
ବିଶ୍ୱ ମାନ୍ୟତାର ୬ ନମ୍ବରରେ ଥିବା ଶ୍ରୀକାନ୍ତ ୧୪ ନମ୍ବରରେ ଥିବା ଲିନ୍ଙ୍କୁ ୧୮-୨୧, ୨୧-୧୭, ୨୧-୧୬ରେ ପରାସ୍ତ କରିଥିଲେ। ଗୁରୁବାର ରାତିରେ ଏହି ମ୍ୟାଚ୍ ଖେଳା ଯାଇଥିଲା।
ଶ୍ରୀକାନ୍ତ ତାଙ୍କ କ୍ୟାରିଅରରେ ଦ୍ୱିତୀୟ ଥର ପାଇଁ ଲିନ୍ ଡାନ୍ଙ୍କୁ ପରାସ୍ତ କରିଛନ୍ତି। ଏହା ପୂର୍ବରୁ ୨୦୧୪ ଚୀନ୍ ଓପନ୍ରେ ସେ ଲିନ୍ଙ୍କୁ ହରାଇଥିଲେ।ସୂଚନାଯୋଗ୍ୟ, ଡାନ୍ ଅଲିମ୍ପିକ୍ରେ ଦୁଇଟି ସ୍ୱର୍ଣ୍ଣ ପଦକ ଜିତିଛନ୍ତି। ଏହା ବ୍ୟତୀତ ସେ ୫ ଥର ବିଶ୍ୱ ଚାମ୍ପିଅନ୍ ହୋଇଛନ୍ତି।
ଆଜି କ୍ୱାର୍ଟର ଫାଇନାଲ୍ରେ ଶ୍ରୀକାନ୍ତ ଭାରତର ସମୀର ବର୍ମାଙ୍କୁ ଭେଟିବେ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
