୧୦ ବର୍ଷ ବୟସରେ ଭାରତନାଟ୍ୟମ୍‌ ଛାଡ଼ି ବ୍ୟାଟ୍ ଧରିଥିଲେ; ଜାଣନ୍ତୁ କେମିତି କ୍ରିକେଟର ହେଲେ ଭାରତୀୟ ମହିଳା ଟିମ୍‌ର ଅଧିନାୟକ

<p>ଚଳିତ ଆଇସିସି ମହିଳା ବିଶ୍ୱକପ୍&zwnj;ର ଫାଇନାଲ୍&zwnj;ରେ ଆଜି ମୁହାଁମୁହିଁ ହେବେ ଭାରତ ଓ ଇଂଲଣ୍ଡ। ଭାରତ ଦ୍ୱିତୀୟ ଥର ପାଇଁ ଏହି ପ୍ରତିଯୋଗିତାରେ ଫାଇନାଲ୍&zwnj;ରେ ପ୍ରବେଶ କରିଛି। ଦଳର ନେତୃତ୍ୱ ନେଉଛନ୍ତି ମିତାଲି ରାଜ୍। ସେ ତାଙ୍କ କ୍ୟାରିୟରର ପଞ୍ଚମ ବିଶ୍ୱକପ୍ ଖେଳୁଛନ୍ତି। ୩୪ ବର୍ଷୀୟା ମିତାଲି ୧୨ ବର୍ଷ ହେଲାଣି ଟିମ୍ ଇଣ୍ଡିଆର ଅଧିନାୟକ ଅଛନ୍ତି।<br />&lt;ul&gt;<br /> &lt;li&gt;ମିତାଲି ଏକ ତାମିଲ ପରିବାରରେ ଜନ୍ମ ହୋଇଛନ୍ତି। ଛୁଆରୁ ସେ ଶାସ୍ତ୍ରୀୟ ନୃତ୍ୟ ଶିକ୍ଷା କରୁଥିଲେ। ୧୦ ବର୍ଷ ବୟସରେ ସେ ଭାରତନାଟ୍ୟମରେ ପାରଙ୍ଗମ ହୋଇଯାଇଥିଲେ। ସେ ଏଥିରେ ହିଁ କ୍ୟାରିୟର ଗଢ଼ିବାକୁ ଚିନ୍ତା କରୁଥିଲେ।&lt;/li&gt;<br /> &lt;li&gt;ମିତାଲି ଛୁଆରୁ ଅଳସୁଆ ଥିଲେ। ତାଙ୍କର ଏହି ଗୁଣକୁ ତାଙ୍କ ବାପା ପସନ୍ଦ କରୁ ନ ଥିଲେ। ସେ ଚାହୁଁଥିଲେ ଝିଅ ସବୁବେଳେ ଆକ୍ଟିଭ ରହୁ। ତେଣୁ ସେ ତାଙ୍କୁ କ୍ରିକେଟ୍ ଖେଳିବା ପାଇଁ କହିଲେ। ୧୦ ବର୍ଷ ବୟସରେ ମିତାଲି ଶାସ୍ତ୍ରୀୟ ନୃତ୍ୟ ଛାଡ଼ି ବ୍ୟାଟ୍ ଧରି ପଡ଼ିଆକୁ ଓହ୍ଲାଇଥିଲେ।&lt;/li&gt;<br /> &lt;li&gt;ସେ ପ୍ରଥମେ ପ୍ରଥମେ ବାପାମା&rsquo;ଙ୍କ ଖୁସି ପାଇଁ କ୍ରିକେଟ୍ ଖେଳୁ ଥିଲେ। ତାଙ୍କର ପ୍ରଥମ ପସନ୍ଦ ଥିଲା ଭାରତନାଟ୍ୟମ। ତେବେ ଧୀରେ ଧୀରେ ସେ କ୍ରିକେଟ୍&zwnj;କୁ ଭଲ ପାଇ ବସିଲେ।&lt;/li&gt;<br /> &lt;li&gt;ମିତାଲିଙ୍କ ନୃତ୍ୟ ଶିକ୍ଷକ ତାଙ୍କୁ କ୍ରିକେଟ୍ ଓ ନୃତ୍ୟ ମଧ୍ୟରୁ ଗୋଟିକୁ ବାଛିବାକୁ ପରାମର୍ଶ ଦେଇଥିଲେ। ମିତାଲିଙ୍କ ମା&rsquo; ମଧ୍ୟ କ୍ରିକେଟ୍ ଖେଳୁ ଥିଲେ। କ୍ରିକେଟ୍ ଖେଳିବା ପାଇଁ ମିତାଲିଙ୍କୁ ତାଙ୍କ ବାପାମା&rsquo; ଉଭୟ ଉତ୍ସାହିତ କରିଥିଲେ। ତାଙ୍କ ପାଇଁ ତାଙ୍କ ମା&rsquo; ଚାକିରି ଛାଡ଼ି ଦେଇଥିଲେ।&lt;/li&gt;<br /> &lt;li&gt;ସ୍କୁଲ୍&zwnj;ରେ ମିତାଲି ପୁଅ ପିଲାଙ୍କ ସହ କ୍ରିକେଟ୍ ଖେଳୁ ଥିଲେ। ୧୭ ବର୍ଷ ବୟସରେ ଭାରତୀୟ ଟିମ୍&zwnj;ରେ ସ୍ଥାନ ପାଇଥିଲେ। ସେ କିଛି ଦିନ ଧରି ରିଲେସନ୍&zwnj;ସିପ୍&zwnj;ରେ ମଧ୍ୟ ଥିଲେ। ତେବେ ବ୍ରେକ୍&zwnj;ଅପ୍&zwnj; ପରେ କେବେଳ କ୍ରିକେଟ୍ ଉପରେ ହିଁ ଫୋକସ୍ କରୁଛନ୍ତି।&lt;/li&gt;<br /> &lt;li&gt;ମିତାଲି ହେଉଛନ୍ତି ପ୍ରଥମ ମହିଳା କ୍ରିକେଟ୍&zwnj;ର ଯାହାଙ୍କୁ ୱିଜଡନ୍ ଇଣ୍ଡିଆ କ୍ରିକେଟର ଆୱାର୍ଡ ମିଳିଛି। ମହିଳା କ୍ରିକେଟ୍&zwnj;ରେ ଟେଷ୍ଟରେ ସେ ଗୋଟିଏ ମ୍ୟାଚ୍&zwnj;ରେ ସର୍ବାଧିକ ବ୍ୟକ୍ତିଗତ ସ୍କୋର କରିଛନ୍ତି। ୨୦୦୨ରେ ଇଂଲଣ୍ଡ ବିରୁଦ୍ଧରେ ସେ ୨୧୪ ରନ୍ କରିଥିଲେ। ମହିଳା ଦିନିକିଆ କ୍ରିକେଟ୍&zwnj;ରେ ୬୦୦୦ ରନ୍ କରିବାରେ ସେ ହେଉଛନ୍ତି ପ୍ରଥମ ଖେଳାଳି। ଦିନିକିଆରେ ଲଗାତାର ୭ଟି ମ୍ୟାଚ୍&zwnj;ରେ ୫୦ ରନ୍ କରିବାର ରେକର୍ଡ ତାଙ୍କ ନାଁରେ ରହିଛି।&lt;/li&gt;<br /> &lt;li&gt;ମିତାଲିଙ୍କୁ ପଢ଼ିବାକୁ ଭଲ ଲାଗେ। ଏପରିକି ବ୍ୟାଟିଂ କରିବାକୁ ଯିବା ପୂର୍ବରୁ ବି ସେ ବହି ପଢ଼ନ୍ତି। ବହି ପଢ଼ି ପଢ଼ି ନିଜ ପାଳିକୁ ସେ ଅପେକ୍ଷା କରନ୍ତି।&lt;/li&gt;<br /> &lt;li&gt;୨୦୧୩ରେ ସେ ବିଶ୍ୱର ନମ୍ବର ୱାନ ଦିନିକିଆ ମହିଳା କ୍ରିକେଟର ଥିଲେ। ତାଙ୍କୁ ଭାରତ ସରକାର ଅର୍ଜୁନ ପୁରସ୍କାର ପ୍ରଦାନ କରିଛନ୍ତି। ୨୦୧୫ରେ ତାଙ୍କୁ ଭାରତର ଚତୁର୍ଥ ସର୍ବୋଚ୍ଚ ନାଗରିକ ସମ୍ମାନ ପଦଶ୍ରୀ ପୁରସ୍କାର ପ୍ରଦାନ କରାଯାଇଥିଲା।&lt;/li&gt;<br /> &lt;li&gt;୨୦୦୫ରେ ଭାରତ ମହିଳା ବିଶ୍ୱକପ୍ କ୍ରିକେଟ୍ ଫାଇନାଲ୍&zwnj;ରେ ପହଞ୍ଚିଥିଲା। କିନ୍ତୁ ଫାଇନାଲ୍&zwnj;ରେ ମିତାଲି ଖେଳି ନ ଥିଲେ। ତାଙ୍କୁ ଟାଇପଏଡ୍ ହୋଇଥିଲା। ଏହି ମ୍ୟାଚ୍&zwnj;ରେ ଭାରତ ହାରି ଯାଇଥିଲା।&lt;/li&gt;<br />&lt;/ul&gt;</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।