ଇଂଲଣ୍ଡ ଗସ୍ତ ପରେ ଅବସର ନେଇପାରନ୍ତି ମିଶ୍‌ବା-ଉଲ-ହକ୍‌

କରାଚି: ପାକିସ୍ତାନର ଇଂଲଣ୍ଡ ଗସ୍ତ ପରେ ଅବସର ନେଇପାରନ୍ତି ପାକିସ୍ତାନର ବ୍ୟାଟ୍ସମ୍ୟାନ୍‌ ମିଶ୍‌ବା-ଉଲ୍‌-ହକ୍‌। ପାକିସ୍ତାନ କ୍ରିକେଟ ବୋର୍ଡ ପକ୍ଷରୁ କୁହାଯାଇଛି ଯେ ଏହି ମଧ୍ୟକ୍ରମ ବ୍ୟାଟ୍ସମ୍ୟାନ୍ ଜଣକ ଅବସର ନେଇ ଆସନ୍ତାକାଲି ସାମ୍ବାଦିକ ସମ୍ମିଳନୀ କିମ୍ବା ବୋର୍ଡ ମାଧ୍ୟମରେ ସୂଚନା ଦେବେ।

ସେ ଇଂଲଣ୍ଡ ଗସ୍ତପରେ ଅବସର ନେବା ନେଇ ପାକିସ୍ତାନ ଗଣମାଧ୍ୟମରେ ଚର୍ଚ୍ଚା ଜୋର ଧରିଛି। ସେ ଇଂଲଣ୍ଡ ବିପକ୍ଷରେ ୪ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-୨୦ ଖେଳିଛନ୍ତି। ଏହି ସିରିଜ୍‌ ତାଙ୍କର ଶେଷ ସିରିଜ୍‌ ହେବ ବୋଲି ଚର୍ଚ୍ଚା ହେଉଛି।

୨୦୧୨ରେ ସେ ଟି-୨୦ରୁ ଓ ଚଳିତବର୍ଷ ମାର୍ଚ୍ଚରେ ଦଳ ବିଶ୍ୱକପ୍‌ କ୍ୱାର୍ଟର ଫାଇନାଲରୁ ବାଦ୍‌ ପଡିବା ପରେ ଦିନିକିଆରୁ ଅବସର ନେଇଥିଲେ।

ସେ ପାକିସ୍ତାନ ପାଇଁ ୬୧ଟି ଟେଷ୍ଟ, ୧୬୨ଟି ଦିନିକିଆ ଓ ୩୯ଟି ଟି-୨୦ ଖେଳିଛନ୍ତି। ତାଙ୍କୁ ପାକିସ୍ତାନର ସଫଳ ଟେଷ୍ଟ ଅଧିନାୟକ ଭାବେ ମଧ୍ୟ ବିବେଚନା କରାଯାଏ। ତାଙ୍କ ନେତୃତ୍ୱରେ ଦଳ ୪୨ଟି ଟେଷ୍ଟରୁ ୨୦ଟିରେ ବିଜୟୀ ହୋଇଥିବା ବେଳେ ୧୧ଟିରେ ପରାଜିତ ହୋଇଛି ଓ ୧୧ଟି ଡ୍ର ରଖିଛି।

ଚଳିତ ମାସରୁ ପାକିସ୍ତାନ ଇଂଲଣ୍ଡ ଗସ୍ତ କରିବ। ସେଠାରେ ଦଳ ୪ଟି ଟେଷ୍ଟ, ୫ଟି ଦିନିକିଆ ଓ ଗୋଟିଏ ଟି-୨୦ ମ୍ୟାଚ୍‌ ଖେଳିବ।

ଆହୁରି ପଢ଼ନ୍ତୁ

ଘରୋଇ ଦଳକୁ ଧୂଳି ଚଟାଇଲା ୱେଷ୍ଟଇଣ୍ଡିଜ୍

ପୁଣି ଭଉଣୀଙ୍କ ନାମରେ ଅଭିଯୋଗ ଆଣିଲେ ଦୂତୀ, କହିଲେ ଭାଇ-ଭାଉଜଙ୍କୁ ଘରେ ପୂରାଇ ଦେଉନାହାନ୍ତି ସରସ୍ୱତୀ

ସମଲିଙ୍ଗୀ ସମ୍ପର୍କକୁ ନେଇ ସାଂଘାତିକ୍‌ ଅଭିଯୋଗ ଆଣିଲେ ଦୂତୀ

ଫେସବୁକରୁ ବିଏମଡବ୍ଲୁ ପୋଷ୍ଟ ଡିଲିଟ୍ କଲେ ଦୂତୀ

ପ୍ରଥମ ଟେଷ୍ଟ: ୩୧୮ରେ ଇଣ୍ଡିଜ୍‌ ଅଲଆଉଟ, ୯୯ ରନ୍‌ ପଛରେ ଇଂଲଣ୍ଡ

ବିଏମ୍‌ଡବ୍ଲ୍ୟୁ କାର୍‌ ବିକିବାକୁ ଚାହୁଁଛନ୍ତି ଦୂତୀ ଚାନ୍ଦ, ଜାଣନ୍ତୁ କାହିଁକି?

ଯଦି ସୁନୀଲ ଗାଭାସ୍କରଙ୍କ ବାମ କାନରେ ନଥା’ନ୍ତା ସେହି ଛୋଟ ଜାଇ…

ଗାବ୍ରିଏଲ ଓ ହୋଲ୍ଡରଙ୍କ ଚମକ, ବ୍ୟାକଫୁଟ୍‌ରେ ଇଂଲଣ୍ଡ

ଏସିଆ କପ୍ ସ୍ଥଗିତ

ଭୂତ ଦେଖିଥିଲେ ସୌରଭ ଗାଙ୍ଗୁଲି!

କାହିଁକି ୫ ବର୍ଷ ପାଇଁ ଦାଦାଙ୍କୁ ଟିମ୍‌ରୁ ବାଦ ଦେଇଥିଲା ବିସିସିଆଇ

ଧୋନିଙ୍କୁ ଜନ୍ମଦିନର ଶୁଭେଚ୍ଛା ଜଣାଇ ଏମିତି ଟ୍ୱିଟ୍ କଲେ ସେହୱାଗ୍ ଓ କୈଫ