୩୫୦ ଜଣଙ୍କୁ ଆଉଟ୍‌ କଲେ ଧୋନି

ହାରାରେ: ଟିମ୍‌ ଇଣ୍ଡିଆ ଅଧିନାୟକ ମହେନ୍ଦ୍ର ସିଂହ ଧୋନି ବିଶ୍ୱର ଚତୁର୍ଥ ଓ ଭାରତର ପ୍ରଥମ ୱିକେଟ ରକ୍ଷକ ଭାବେ ଦିନିକିଆରେ ୩୫୦ ଜଣଙ୍କୁ ଆଉଟ୍‌ କରିବାରେ ସଫଳ ହୋଇଛନ୍ତି।

ଆଜି ହାରାରେ ସ୍ପୋର୍ଟ୍ସ କ୍ଲବ୍‌ରେ ଖେଳା ଯାଇଥିବା ଶେଷ ଦିନିକିଆରେ ବୁମ୍ରାହଙ୍କ ବଲ୍‌ରେ ଏକ ସଟ୍‌ଖେଳୁଥିବାକୁ ଯାଇ ଜିମ୍ବାୱେର ଏଲ୍‌ଟନ୍‌ ଚିଗୁମ୍ପୁରା ଧୋନିଙ୍କ ହାତକୁ କ୍ୟାଚ୍‌ ଆଉଟ୍‌ ହୋଇଥିଲେ।

ଧୋନି ୨୭୮ଟି ଦିନିକିଆରେ ୨୬୧ଟି କ୍ୟାଚ୍‌ ଓ ୮୯ଟି ଷ୍ଟମ୍ପିଂ କରିଛନ୍ତି। ଶ୍ରୀଲଙ୍କାର କୁମାର ସାଙ୍ଗାକାରା ୪୮୨ଟି ଆଉଟ୍‌ କରି ପ୍ରଥମ ସ୍ଥାନରେ ଥିବା ବେଳେ ଅଷ୍ଟ୍ରେଲିଆର ଆଦମ୍‌ ଗୀଲଖ୍ରୀଷ୍ଟ ୪୭୨ଟି ଆଉଟ୍‌ କରି ଦ୍ୱିତୀୟ ଓ ଦକ୍ଷିଣ ଆଫ୍ରିକାର ମାର୍କ ବାଉଚର ୪୨୪ଟି ଆଉଟ୍‌ କରି ତୃତୀୟ ସ୍ଥାନରେ ରହିଛନ୍ତି।

ଧୋନି ଏକମାତ୍ର ଭାରତୀୟ ଭାବେ ଏହି ଧାରାର ୩୦୦ କ୍ଲବ୍‌ରେ ସାମିଲ ହୋଇଥିଲେ।