ଲକ୍ଷ୍ନୌ: କ୍ରୀଡ଼ାର ଉନ୍ନତି ପାଇଁ ପୋଲିସ୍ ବିଭାଗରେ ଥିବା କ୍ରୀଡ଼ାବିତ୍ମାନଙ୍କୁ ଯଥାସମ୍ଭବ ସାହାଯ୍ୟ ସହଯୋଗ ଯୋଗାଇ ଦିଆଯିବ ବୋଲି କହିଛନ୍ତି କେନ୍ଦ୍ର ଗୃହ ରାଷ୍ଟ୍ର ମନ୍ତ୍ରୀ କିରଣ ରିଜିଜୁ।
ଶନିବାର ଅଲ୍ ଇଣ୍ଡିଆ ପୋଲିସ୍ ଆକ୍ୱାଟିକ୍ ଆଣ୍ଡ୍ କ୍ରସ୍ କଣ୍ଟ୍ରି ରେସ୍ ଚାମ୍ପିଅନ୍ସିପ୍ର ଉଦ୍ଯାପନୀ ଉତ୍ସବରେ ଯୋଗ ଦେବା ଅବସରରେ ସେ କହିଥିଲେ,“ଦେଶର ପାରମ୍ପରିକ କ୍ରୀଡ଼ାଗୁଡ଼ିକୁ ପ୍ରୋତ୍ସାହନ ଦେବା ହେଉଛି ବର୍ତ୍ତମାନ ସମୟର ଆହ୍ୱାନ। କ୍ରୀଡ଼ା ଉନ୍ନତି ପାଇଁ ପୋଲିସ୍ ବିଭାଗରେ ଥିବା କ୍ରୀଡ଼ାବିତ୍ମାନଙ୍କୁ ସମସ୍ତ ପ୍ରକାର ସହଯୋଗ ଯୋଗାଇ ଦିଆଯିବ। ପୋଲିସ୍ କର୍ମଚାରୀମାନଙ୍କ ଫିଟ୍ନେସ୍ ପାଇଁ ମଧ୍ୟ କ୍ରୀଡ଼ା ନିହାତି ଆବଶ୍ୟକ।”
ଏହି ଅବସରରେ ଉତ୍ତରପ୍ରଦେଶ ପୋଲିସ୍ ମହାନିର୍ଦ୍ଦେଶକ ଜାଭେଦ୍ ଅହମ୍ମଦ କହିଥିଲେ ଯେ ପୋଲିସ୍ରେ ନିଯୁକ୍ତି ପାଇଁ ଖୁବ୍ଶୀଘ୍ର ୨ ପ୍ରତିଶତ କ୍ରୀଡ଼ା କୋଟା ଲାଗୁ କରାଯିବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
