ଥିରୁଅନନ୍ତପୁରମ୍: ଭାରତୀୟ ଅଲରାଉଣ୍ଡର ଶିବମ ଦୁବେ ରବିବାର ୱେଷ୍ଟଇଣ୍ଡିଜ୍ ବିପକ୍ଷ ଦ୍ୱିତୀୟ ଟି-୨୦ରେ ନିଜର ପ୍ରଥମ ଅନ୍ତର୍ଜାତୀୟ ଅର୍ଦ୍ଧଶତକ ହାସଲ କରିଛନ୍ତି। ୨୬ ବର୍ଷୀୟ ଏହି ବାମହାତୀ ବ୍ୟାଟ୍ସମ୍ୟାନ୍ ନିଜର ପଞ୍ଚମ ଟି-୨୦ରେ ଏହି କୀର୍ତ୍ତିମାନ କରିଛନ୍ତି। ଆଜି ମ୍ୟାଚରେ ସମସ୍ତଙ୍କୁ ଚକିତ କରି ଦୁବେ ତୃତୀୟ ସ୍ଥାନରେ ବ୍ୟାଟିଂ କରିବାକୁ ଆସିଥିଲେ।
ଆରମ୍ଭରୁ ତାଙ୍କୁ ସାମାନ୍ୟ ସମସ୍ୟା ହୋଇଥିଲା, କିନ୍ତୁ ପରେ ସେ ଇଣ୍ଡିଜ୍ ବୋଲରଙ୍କୁ ନିର୍ଧୁମ ଧୂଲେଇ କରିଥିଲେ ବିଶେଷକରି ଭ୍ରମଣକାରୀ ଦଳର କ୍ୟାପଟେନ୍ କାଇରନ୍ ପୋଲାର୍ଡଙ୍କୁ ସେ ଗୋଟିଏ ଓଭରରେ ୩ଟି ଛକା ମାରି ଦର୍ଶକଙ୍କୁ ଭରପୂର ମନୋରଞ୍ଜନ କରିଥିଲେ।
ଏହା ପରେ ସେ ୨୭ ବଲରେ ନିଜର ଅର୍ଦ୍ଧଶତକ ପୂରଣ କରିଥିଲେ। କିନ୍ତୁ ଅର୍ଦ୍ଧଶତକ ମାରିବା ପରେ ବଡ଼ ଶଟ୍ ଖେଳିବା ପ୍ରୟାସରେ ସେ ନିଜ ୱିକେଟ୍ ଦେଇ ବସିଥିଲେ। ଦୁବେ ୩୦ ବଲରେ ୩ ଚୌକା ଓ ୪ ଛକା ସହ ୫୪ ରନ୍ କରି ହେଡେନ୍ ୱାଲ୍ସ ଜୁନିୟରଙ୍କ ଶିକାର ହୋଇଥିଲେ ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
