ସିଡନୀ: ଦିନିକିଆ ସିରିଜ୍ ହାରିଥିବା ଟିମ୍ ଇଣ୍ଡିଆ ଟି-୨୦ ସିରିଜ୍ ହାତେଇ ଏହାର ପ୍ରତିଶୋଧ ନେଇଛି। ଟି-୨୦ ସିରିଜର ତୃତୀୟ ତଥା ଶେଷ ଟି-୨୦ ମ୍ୟାଚରେ ଭାରତ ୧୨ ରନରେ ଅଷ୍ଟ୍ରେଲିଆ ନିକଟରୁ ପରାସ୍ତ ହୋଇଥିଲା। ତେବେ ଏହି ଏହି ମ୍ୟାଚରେ ଭାରତକୁ ଗୋଟିଏ ଭୁଲ ଭାରୀ ପଡ଼ିଛି।
ଅଷ୍ଟ୍ରେଲିଆ ବିପକ୍ଷ ଏହି ମ୍ୟାଚରେ ଭାରତ ନିର୍ଦ୍ଧାରିତ ସମୟରେ ଓଭର ପୂରଣ କରିପାରିନଥିଲେ। ଯେଉଁକାରଣରୁ ଟିମ୍ ଉପରେ ମ୍ୟାଚ୍ ଫି'ର ୨୦ ପ୍ରତିଶତ ଜୋରିମାନା ଲଗାଯାଇଛି। ଚଳିତ ଗସ୍ତରେ ଭାରତ ୨ୟଥର ଲାଗି ନିର୍ଦ୍ଧାରିତ ସମୟରେ ଓଭର ପୂରଣ କରିପାରିନାହିଁ।
ଏହା ପୂର୍ବରୁ ଭାରତ ଦିନିକିଆ ସିରିଜର ପ୍ରଥମ ମ୍ୟାଚରେ ମଧ୍ୟ ୫୦ ଓଭରକୁ ନିର୍ଦ୍ଧାରିତ ସମୟ ଭିତରେ ପୂରଣ କରିପାରିନଥିଲା। ସୂଚନାଯୋଗ୍ୟ, ଭାରତ ତିନିମ୍ୟାଚ୍ ବିଶିଷ୍ଟ ଟି-୨୦ ସିରିଜକୁ ୨-୧ରେ ଜିତି ନେଇଛି। ପ୍ରଥମ ଦୁଇଟି ମ୍ୟାଚ୍ ଜିତିବା ପରେ ଭାରତ ତୃତୀୟ ମ୍ୟାଚରେ ପରାସ୍ତ ହୋଇଥିଲା।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।